លោកឧត្តមសេនីយ៍ទោ ឈាង ផាន់ណារ៉ា ស្នងការនគរបាលខេត្តតាកែវ និងជាប្រធានគណៈកម្មាធិការមូលដ្ឋានសមាគមមិត្តនគរបាល ខេត្តតាកែវ ប្រគល់ថវិកាសមាគមមិត្តនគរបាលជាតិចំនួន ០៥គ្រួសារ ស្មើនឹងទឹកប្រាក់ចំនួន ២២,០០០,០០០៛(ម្ភៃពីលានរៀល)

ខេត្តតាកែវ៖ លោកឧត្តមសេនីយ៍ទោ ឈាង ផាន់ណារ៉ា ស្នងការ នៃស្នងការដ្ឋាននគរបាលខេត្តតាកែវ និងជាប្រធានគណៈកម្មាធិការមូលដ្ឋានសមាគមមិត្តនគរបាល ខេត្តតាកែវ “អញ្ជើញជួបសំណេះសំណាលសួរសុខទុក្ខជាមួយគ្រួសារសព និងប្រគល់ថវិកាសមាគមមិត្តនគរបាលជាតិចំនួន ០៥គ្រួសារ ស្មើនឹងទឹកប្រាក់ចំនួន ២២,០០០,០០០៛(ម្ភៃពីលានរៀល)” ដោយមានការចូលរួមពីលោកឧត្តមសេនីយ៍ លោកវរសេនីយ៍ ស្នងការរង លោកនាយ នាយរងការិយាល័យជំនាញពាក់ព័ន្ធ និងក្រុមការងាររបស់ស្នងការដ្ឋាននគរបាលខេត្តតាកែវ នាព្រឹកថ្ងៃសុក្រ ទី ២៥ ខែសីហា ឆ្នាំ២០២៣។

ថវិកាដែលត្រូវប្រគល់ជូនគ្រួសារសពទាំង ០៥ មានឈ្មោះដូចខាងក្រោម៖
គ្រួសារទី១- ទទួលថវិកាចំនួន ៦,០០០,០០០៛ (ប្រាំមួយលានរៀល) ជូនដល់លោកស្រី ជួន សារ៉ាត់ ត្រូវជាភរិយាសព លោកវរសេនីយ៍ទោ យឹម សាមឿន មន្រ្តីនគរបាលជាតិចូលនិវត្តន៍ មរណៈភាពកាលពីថ្ងៃទី ៣០ ខែមិថុនា ឆ្នាំ២០២៣ ដោយជំងឺ(រោគាពាធ) ស្ថិតនៅភូមិព្រៃទទឹង ឃុំសំរោង ស្រុកសំរោង  ខេត្តតាកែវ។
គ្រួសារទី២- ទទួលថវិកាចំនួន ៦,០០០,០០០៛ (ប្រាំមួយលានរៀល) ជូនដល់លោកស្រី ង៉ែត សាត ត្រូវជាភរិយាសព លោកព្រិន្ទបាលឯក ប៊ុត សំបូរ មន្រ្តីនគរបាលជាតិ ចូលនិវត្តន៍ មរណៈភាពកាលពីថ្ងៃទី ៨ ខែមិថុនា ឆ្នាំ២០២៣ ដោយជំងឺ(រោគាពាធ) ស្ថិតនៅភូមិកំពង់ក្រសាំង ឃុំកំពង់ក្រសាំង ស្រុកបុរីជលសារ ខេត្តតាកែវ។
គ្រួសារទី៣- ទទួលថវិកាចំនួន ៦,០០០,០០០៛ (ប្រាំមួយលានរៀល) ជូនដល់លោកស្រី ឡាយ ស៊ីដា ត្រូវជាភរិយាសព លោកអនុសេនីយ៍ឯក ឈុំ ឈឿន មន្រ្តីនគរបាលជាតិចូលនិវត្តន៍ មរណៈភាពកាលពីថ្ងៃទី ៦ ខែកក្កដា ឆ្នាំ២០២៣ ដោយជំងឺ(រោគាពាធ)ស្ថិតនៅភូមិ០២ សង្កាត់រកាក្នុង ក្រុងដូនកែវ ខេត្តតាកែវ។
គ្រួសារទី៤- ទទួលថវិកាចំនួន ២,០០០,០០០៛(ពីលានរៀល) ជូនដល់លោកស្រី ឡាយ ស៊ីដា ត្រូវជាភរិយាសព លោកឈុំ ឈឿន មន្រ្តីគរបាលចូលនិវត្តន៍ជាតិ មរណៈភាពកាលពីថ្ងៃទី ៦ ខែកក្កដា ឆ្នាំ២០២៣ ដោយជំងឺ(រោគាពាធ) ស្ថិតនៅភូមិ០២ សង្កាត់រកាក្នុង ក្រុងដូនកែវ ខេត្តតាកែវ។
គ្រួសារទី៥- ទទួលថវិកាចំនួន ២,០០០,០០០៛ (ពីលានរៀល) ជូនដល់លោកអនុសេនីយ៍ឯក ពៅ បូរ៉ាន មន្រ្តីប៉ុស្តិ៍នគរបាលរដ្ឋបាលចារ នៃអធិកាដ្ឋាននគរបាលស្រុកព្រៃកប្បាស ខេត្តតាកែវ ត្រូវជាស្វាមីសព លោកស្រី ឆុំ ស្រីពៅ មរណៈកាលពីថ្ងៃទី ១៤ ខែមិថុនា ឆ្នាំ២០២៣ ដោយជំងឺ(រោគាពាធ) ស្ថិតនៅភូមិអង្គ ឃុំក្រាំងយ៉ូវ ស្រុកព្រៃកប្បាស ខេត្តតាកែវ។
ឆ្លៀតក្នុងឱកាសជួបសំណេះសំណាលនោះលោកឧត្តមសេនីយ៍ទោ ស្នងការ បានសំដែងនូវមនោសញ្ជេតនា ការអាឡោះអាល័យ សោកស្តាយជាពន់ពេក ចំពោះការបាត់បង់ស្វាមី ភរិយា ឪពុក ម្តាយ ដ៏ល្អ​ដែលបានបម្រើប្រទេសជាតិ មាតុភូមិកន្លងមកមានស្នាដៃ និងបានពាំនាំនូវប្រសាសន៍ផ្ដាំផ្ញើចូលរួមរំលែកទុក្ខពីសំណាក់ឯកឧត្តមបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ និងជាប្រធានកិត្តិយសសមាគមមិត្តនគរបាលជាតិកម្ពុជា ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ និងជាប្រធានគណៈកម្មាធិការកណ្ដាលសមាគមមិត្តនគរបាលជាតិកម្ពុជាផងដែរ៕