ខេត្តតាកែ៖ លោក សុខ សូកាន ប្រធានក្រុមការងារគណបក្សចុះមូលដ្ឋានស្រុកគិរីវង់ បានអំពាវនាវឲ្យសមាជិក សមាជិកា បន្តគាំទ្រ និងបោះឆ្នោតជូនគណបក្សប្រជាជន គឺបោះឆ្នោតឲ្យខ្លួនឯង បោះឆ្នោតការពារសុខសន្តិភាព និងការអភិវឌ្ឍន៍ ។
មានប្រសាសន៍បែបនេះខណៈពេលលោក សុខ សូកាន រួមដំណើរ លោក លី ប្រុស ប្រធានក្រុមការងារចុះជួយឃុំព្រៃរំដេងនឹងលោក លីវ សំណាង អនុប្រធានក្រុមការងារចុះជួយឃុំព្រៃរំដេងបានអញ្ជើញបន្តឃោសនារកសម្លេងឆ្នោត នៃយុទ្ធនាការឃោសនាបោះឆ្នោតជ្រើសតាំងតំណាងរាស្ត្រអណត្តិទី៧ និងបង្រៀនគូសសន្លឹកឆ្នោត ដល់សមាជិក សមាជិកាបក្ស នៅឃុំព្រៃរំដេង ស្រុកគិរីវង់ ខេត្តតាកែវ នាព្រឹក ថ្ងៃទី១៥ ខែកក្កដា ឆ្នាំ២០២៣។
លោក សុខ សូកាន បានអំពាវនាវឲ្យប្រជាពលរដ្ឋទាំងអស់គ្នា សូមអញ្ជើញទៅបោះឆ្នោតនៅថ្ងៃទី ២៣ ខែកក្កដា ឆ្នាំ២០២៣ ឱ្យបានគ្រប់គ្នា ពិសេស គឺត្រូវបោះឆ្នោតជូនគណបក្សប្រជាជនកម្ពុជា ដែលមានរូបសញ្ញា «ទេវតាបាចផ្កា» ដែលមានលេខរៀងទី ១៨ ក្នុងសន្លឹកឆ្នោត និងបានអំពាវនាវដល់ប្រជាពលរដ្ឋដែលមានសិទ្ធបោះឆ្នោត ត្រូវគូសលើសន្លឹកឆ្នោតឲ្យបានត្រឹមត្រូវ ដើម្បីរក្សាតម្លៃនៃសន្លឹកឆ្នោត ស្របតាមទិសស្លោក សន្លឹកឆ្នោតមួយសន្លឹក ជាការគាំទ្រគណបក្សប្រជាជនមួយសម្លេង និងបានចូលរួមចំណែកក្នុងការអភិវឌ្ឍប្រទេសជាតិ ។ លោក សុខ សូកាន
និងក្រុមការងារ ក៏បានបង្រៀន សមាជិក សមាជិកាបក្សឲ្យចេះគូសសន្លឹកឆ្នោតផងដែរ ។
យោងតាមការបញ្ជាក់របស់គណៈកម្មាធិការរៀបចំការបោះឆ្នោតខេត្តតាកែវ បានឲ្យដឹងថា÷
ការបោះឆ្នោតជ្រើសតាំងតំណាងរាស្ត្រ នីតិកាលទី៧ ឆ្នាំ២០២៣ ក្នុងខេត្តតាកែវ មាន:គណបក្សចូលរួមចំនួន១៤ ពលរដ្ឋមានឈ្មោះក្នុងបញ្ជីបោះឆ្នោតឆ្នាំ២០២២ សរុបចំនួន ៦៦៨,៥៤៨នាក់ ការិយាល័យបោះឆ្នោតសរុបចំនួន១៥៩៥ ការិយាល័យ។
![](http://tareach.com/wp-content/uploads/2023/07/IMG_20230716_142212_329-1024x833.jpg)
![](http://tareach.com/wp-content/uploads/2023/07/IMG_20230716_142215_216-1024x682.jpg)
![](http://tareach.com/wp-content/uploads/2023/07/IMG_20230716_142218_563-1024x682.jpg)
![](http://tareach.com/wp-content/uploads/2023/07/IMG_20230716_142220_785-1024x682.jpg)
![](http://tareach.com/wp-content/uploads/2023/07/IMG_20230716_142224_517-1024x682.jpg)
![](http://tareach.com/wp-content/uploads/2023/07/IMG_20230716_142229_824-1024x682.jpg)
![](http://tareach.com/wp-content/uploads/2023/07/IMG_20230716_142232_551-1024x682.jpg)
![](http://tareach.com/wp-content/uploads/2023/07/IMG_20230716_142235_504-1024x682.jpg)
![](http://tareach.com/wp-content/uploads/2023/07/IMG_20230716_142238_840-1024x682.jpg)
![](http://tareach.com/wp-content/uploads/2023/07/IMG_20230716_142242_305-1024x682.jpg)
![](http://tareach.com/wp-content/uploads/2023/07/IMG_20230716_142244_833-1024x682.jpg)