នៅព្រឹកថ្ងៃទី១២ ខែកញ្ញា ឆ្នាំ២០១៤ ឯកឧត្តម អ្នកឧកញ៉ា សៀង ណាំ អ្នកតំណាងរាស្រ្តមណ្ឌលសៀមរាប រួមជាមួយមន្ត្រីសង្ឃខេត្តនិងចៅអធិការវត្តមួយចំនួន បាននាំយកអំណោយជាគ្រឿងឧបភោគបរិភោគនិង ម្ភារៈប្រើប្រាស់ដែលជាការឧបត្ថម្ភពីសំណាក់ព្រះគ្រូវិចិត្រវង្សា ហែម គឹមសាន ព្រះគ្រូចៅអធិការវត្តគោកចក រួមជាមួយសប្បុរសជនក្នុងនិងក្រៅប្រទេសយកមកចែកជូនដល់បងប្អូនប្រជាពលរដ្ឋមានការខ្វះខាតចំនួន១៦០គ្រួសាររស់នៅក្នុងភូមិព្រែកស្រមោចឃុំកំពង់ឃ្លាំងស្រុកសូទ្រនិគមខេត្តសៀមរាប។ពិធីនេះក៏មានវត្តមានចូលរួមពី លោក គឹម វណ្ណៈ អភិបាលស្រុកសូទ្រនិគមនិងអាជ្ញាធរមូលដ្ឋានចូលរួមផងដែរ។ ព្រះគ្រូវិចិត្រវង្សា ហែម គឹមសាន ព្រះគ្រូចៅអធិការវត្តគោកចក បានមានសង្ឃដីកាថា ព្រះអង្គ មានការគាំទ្រ និងមានទឹកព្រះទ័យរីករាយ ចូលរួមចំណែកជាមួយការងារមនុស្សធម៌ ជាមួយអាជ្ញាធរមូលដ្ឋាន ក្នុងការជួយ សង្គ្រោះក៏ដូចជាជួយ សម្រាល ទុក្ខលំបាក របស់ញោមញាតិទីទ័លក្រនៅគ្រប់ទីកន្លែង។ ព្រះគ្រូចៅអធិការវត្តគោកចក ក៏បានមានសង្ឃដីកាបន្តថា គ្រឿងឧបភោគបរិភោគ ដែលប្រគល់ជូនដល់គ្រួសារដែលមានជីវភាពខ្វះខាតនាពេលនេះ គឺបានពីការប្រគេនរបស់ពុទ្ឋបរិស័ទក្នុងពិធីបុណ្យផ្សេងៗនាពេលកន្លងមកហើយក៏បានសន្សំ និងប្រមូលបម្រុងទុកដោយព្រមទាំងមានការចូលរួមឧបត្ថម្ភពីសំណាក់ឯកឧត្តម លោកជំទាវ លោក លោកស្រីជាសប្បុរសជន ដែលមានសទ្ធាជ្រះថ្លាចូលរួមតាមរយះព្រអង្គផ្ទាល់ដើម្បីសម្រាប់ចែកជូនដល់គ្រួសារបងប្អូនប្រជាពលរដ្ឋណាដែលមានជីវភាពខ្វះខាត ឬក៏មានការ ជួប ហានិភ័យគ្រោះថ្នាក់ដោយប្រការផ្សេងៗណាមួយផងដែរ ។ គ្រូវិចិត្រវង្សា ហែម គឹមសាន ព្រះគ្រូចៅអធិការវត្តគោកចក បានមានសង្ឃដីកាបញ្ជាក់បន្ថែមថា គ្រឿងឧបភោគបរិភោគនិងសម្ភារៈប្រើប្រាស់ដែលបានយកមកចែកជូនដល់បងប្អូនមានជីវភាពខ្វះខាតចំនួន១៦០គ្រួសារនាពេលនេះផងដែរ គឺមានដូចជា អង្ករ ២៥-មី-អំបិល-ស្កសរ-ទឹកត្រី-ទឹកស៊ីអ៉ីវ-មុង-ភួយ-សាប៊ូម្សៅ-សាប៊ូដុំប្រូថិច-ប្រេងឆា-សារ៉ុង-ភេសជ្ជៈ+នំប៉ុងរួមនិងថវិកាផងដែរ ហើយការចែកជូននេះ បើទោះជាមិនអាចឆ្លើយតបតាមភាពចាំបាច់របស់គ្រួសារបងប្អូនខ្វះខាតបាន តែក៏អាចជួយសម្រួលភាពខ្វះខាតបានមួយគ្រាៗដែរ។ក្នុងនាអាជ្ញាធរលោក គឹម វណ្ណៈ អភិបាលស្រុកសូទ្រនិគម បានមានប្រសាសន៍ថ្លែងអំណរព្រះគុណនិងអរគុណចំពោះទឹកចិត្តដ៏សប្បុរសធម៌របស់អ្នកតំណាងរាស្ត្រមណ្ឌលសៀមរាប និងព្រះមន្ត្រីសង្ឃក្រុង-ខេត្តសៀមរាបព្រមទាំងសប្បុរសជននានាដែលបានយកចិត្តទុកដាក់និងគិតគូរពីសុខទុក្ខនិងការលំបាករបស់គ្រួសារខ្វះខាតនៅមូលដ្ឋាននេះជាសកម្មភាពមនុស្សធម៌ជួយចែករំលែកដល់អ្នកកំពុងមានតម្រូវការចាំបាច់ក្នុងជីវភាពប្រចាំថ្ងៃពិតប្រាកដមែន។ព្រះបវរវិជ្ជា ទេព ភឿន ព្រះ មានសង្ឃដីកាថា៖នៅកម្ពុជាវិស័យពុទ្ឋចក្រនិងអាណាចក្រតែងតែដើរទន្ទឹមគ្នា និង ផ្សារភ្ជាប់នឹងការងារសង្គមជាមួយគ្នាគ្រប់កាលៈទេសៈ ។ព្រះវិន័យធរគណខេត្តមានសង្ឃដីកាបន្តថា៖ក្នុងជីវិតយើងម្នាក់ៗរមែងជួបនូវ ទុក្ខលំបាក និងសេចក្តីសុខ មិនអាចចៀសរួចឡើយគ្រាន់តែទំហំទុក្ខ និងសេចក្តីសុខនោះវាខុសគ្នាទៅតាមផលបុណ្យរបស់យើងរៀងៗខ្លួន ហេតុនេះយើងម្នាក់ៗបើចង់រួចផុតពីសេចក្តីទុក្ខលំបាកគឺត្រូវខំប្រឹងព្យាយាម ធ្វើស្រែចម្ការ ដាំដុះ ប្រកបរបរផ្សេងៗកុំទំនេរដៃ ដោយមិនត្រូវគិតថាត្រជាក់ពេក ក្តៅពេក ភ្លៀងពេក ធ្វើអ្វីមិនកើតនោះទេ។ មានប្រសាសន៍សំណេះសំណាលក្នុងឱកាសនោះ ឯកឧត្តម អ្នកឧកញ៉ា សៀង ណាំ ក៍បានអំពាវនាវដល់បងប្អូនប្រជាពលរដ្ឋទាំងអស់យកចិត្តទុកដាក់ឱ្យអស់ពីលទ្ឋភាពលើកទឹកចិត្តនិងជំរុញកូនចៅចូលរៀន និងឱ្យរៀនសូត្រឱ្យបានខ្ពស់ ដើម្បីអនាគតពួកគាត់មានភាពរុងរឿង មានចំណេះដឹងនិងសមត្ថភាពពេញលេញ ងាយស្រួលរកការងារធ្វើ ក្លាយជាធនធានមនុស្សដ៏មានសក្តានុពល សម្រាប់រួមចំណែកអភិវឌ្ឍសេដ្ឋកិច្ចគ្រួសារក៏ដូចជាសង្គមជាតិយើង។ឯកឧត្តម មានប្រសាសន៍ថា៖ប្រទេសណាឬគ្រួសារណាក៏ដោយ បើចង់ឱ្យមានការអភិវឌ្ឍន៍រីកចម្រើនជឿនលឿនឬមានជីវភាពធូរធារទៅបាន គឺចាំបាច់ត្រូវការធនធានមនុស្សដែលមានសមត្ថភាពនិងចំណេះដឹងច្បាស់លាស់ បើគ្មានចំនេះដឹងនិងសមត្ថភាពទេ គឺគ្រួសារឬសង្គមនោះដើរមិនទាន់គេឡើយ៕
Related Posts
ប្រជាពលរដ្ឋក្នុងឃុំ ល្វែងឫស្សី ងឿងឆ្ងល់ ថា ហេតុអ្វី មានអ្នកយាមគ្រប់ផ្លូវមិន ឲ្យពួកគាត់ចូលទៅក្នុងតំបន់ត្រពាំង រងាវកក និងតំត្រពាំងត្រាវធំ?
ដោយ អ៊ុក ផ្លុង សៀមរាប÷ មានការផ្ដល់ព័ត៌មានពីប្រជាពលរដ្ឋរស់នៅក្នុងឃុំល្វែងឫស្សីប្រាប់អ្នកសារព័ត៌មានថាពួកគាត់ងឿងឆ្ងល់ណាស់ហេតុអ្វីមានអ្នកយាមគ្រប់ផ្លូវទៅកាន់តំបន់ត្រពាំងរងាវកក និងត្រពាំងត្រាវធំ ស្ថិតក្នុងភូមិ រូង ថ្មី ឃុំ ល្វែងឫស្សី ស្រុក ជីក្រែង ខេត្តសៀមរាប។ សូម្បីតែពួកគាត់ទៅចំការឬទៅកាប់អុសដុតក៏គេមិនអោយទៅដែល។ ដោយ និយាយថាក្រុមហ៊ុនមិនអោយចូល បើចង់ចូលទាល់តែជួបមេការក្រុមហ៊ុនតាម ICOM មុនសិនពួកគាត់បន្តថាបើយាមជុំវិញបរិវេនក្រុមហ៊ុនមិនថាទេតែនេះនៅយាមឆ្ងាយរាប់គីឡូម៉ែត្រពីក្រុមហ៊ុន។…
ថ្នាក់ដឹកនាំសាសនាឥស្លាម ខេត្តសៀមរាបរៀបចំពិធី ហូបអាហារស្រាយបួស ខែរ៉ម៉ាឌនឆ្នាំ២០២៤
សៀមរាប៖ នាល្ងាចថ្ងៃទី២៧ ខែ មីនា ឆ្នាំ២០២៤នេះថ្នាក់ដឹកនាំសាសនាឥស្លាមខេត្តសៀមរាបបានរៀបចំពិធីស្រាយបួសខែរ៉ម៉ាឌនប្រចាំឆ្នាំ២០២៤ដែលរៀបចំធ្វើនៅក្នុងភោជនីយដ្ឋានខ្មែរឥស្លាមស្ថិតនៅភូមិស្ទឹងថ្មីសង្កាត់ស្វាយដង្គំក្រុងសៀមរាបដោយមានការអញ្ជើញចូលរួមពីសំណាក់គណៈអ៊ីមាំខេត្ត ក្រុងស្រុកទាំងអស់ក្នុងខេត្តសៀមរាប រួមនិងបងប្អូនសាសនិកឥស្លាមដែលជាចាស់ព្រឹទ្ធាចារ្យទាំងអស់ ដែលបានមកពីបណ្តាវិហ៊ារស៊ូរ៉ាវនានាក្នុងខេត្តសៀមរាបចំនួនប្រមាណជិត២០០នាក់ ។ ឯកឧត្តម អែល សៀត សមាជិកក្រុមប្រឹក្សាខេត្ត និងជាអនុប្រធានសាសនាឥស្លាមខេត្តសៀមរាបបានមានប្រសាសន៍ថា ការរៀបចំពិធីហូបអាហារស្រាយបួសខែរ៉ម៉ាឌន ឆ្នាំ២០២៤នាពេលនេះគឺដើម្បីបង្ហាញអំពីការយកចិត្តទុកដាក់ដោយទឹកចិត្តស្រលាញ់រាប់អាននិងការសាមគ្គីភាពរវាងថ្នាក់ដឹកនាំ ជាមួយបងប្អូនសាសនិកខ្មែរឥស្លាមនៅតាមសហគមន៍សាសនិកឥស្លាមដោយបានសប្បាយរីករាយធ្វើដំណើរមកពីទីឆ្ងាយៗតាមស្រុកដោយមិនខ្លាចនឿយហត់ព្រោះតែចង់បង្ហាញពីភក្តីភាពនិងការគោរពស្រឡាញ់រាប់អាន ។ ក្នុងឱកាសនោះដែរ ឯកឧត្តម…
ឯកឧត្តមអភិបាលខេត្តតាកែវ ដឹកនាំមន្រ្តីជំនាញចុះពិនិត្យស្ថានភាពទឹកនៅស្រុកត្រាំកកក់ និងស្រុកទ្រាំង តាមបណ្ដោយផ្លូវជាតិលេខ២ និងផ្លូវជាតិលេខ៣
តាកែវ៖ នៅរសៀលថ្ងៃចន្ទ ទី៣១ ខែកក្កដា ឆ្នាំ២០២៣នេះ ឯកឧត្តម អ៊ូច ភា អភិបាល នៃគណអភិបាលខេត្តតាកែវ បានដឹកនាំមន្រ្តីជំនាញ និងអាជ្ញាធរស្រុកត្រាំកក់ ទ្រាំង រួមជាមួយលោកឧត្តមសេនីយ៍ទោ ឈាង ផាន់ណារ៉ា ស្នងការនគរបាលខេត្ត បានអញ្ជើញចុះពិនិត្យស្ថានភាពទឹក នៅតាមបណ្ដោយផ្លូវជាតិលេខ២ និងបណ្ដោយផ្លូវជាតិលេខ៣…