នៅព្រឹកថ្ងៃទី០៣ ខែ កញ្ញា ឆ្នាំ២០២៤នេះព្រះគ្រូវិចិត្រវង្សា ហែម គឹមសាន ព្រះគ្រូចៅអធិការវត្តប្រាសាទគោកចក រួមជាមួយនិងអាជ្ញាធរសង្កាត់គោកចកក្រុងសៀមរាប បាននិមន្ត និងអញ្ជើញប្រគល់អណ្តូងស្នប់ទឹកដែលជាអំណោយរបស់សប្បុរសជននៅប្រទេសអូស្រ្តាលី ចំនួន៣គ្រួសារ ព្រមទាំងបានយកគ្រឿងឧបភោគបរិភោគជូនដល់គ្រួសារខ្វះខាតនៅក្នុងភូមិ ខ្វៀន និង ភូមិនគរក្រៅ ក្នុងសង្កាត់គោកចកផងដែរ ។ ព្រះគ្រូវិចិត្រវង្សា ហែម គឹមសាន ព្រះគ្រូចៅអធិការវត្តប្រាសាទគោកចកបានមានសង្ឃដីកាថា ការផ្ដល់អណ្ដូងទឹកនេះ ក្នុងគោលដៅដើម្បីចូលរួមក្នុងការងារសង្គមជាមួយរាជរដ្ឋាភិបាល ក្នុងការជួយសម្រួលដល់បងប្អូនប្រជាពលរដ្ឋលើបញ្ហាកង្វះទឹកប្រើប្រាស់ ដោយត្រូវចុះជីកអណ្តូងទឹកនៅតាមភូមិ ជូនដល់បងប្អូនដែលមានតម្រូវការប្រើប្រាស់ទឹកនៅរដូវប្រាំងនិងបម្រើដល់ផលប្រយោជន៍នានាដែលកំពុងតែប្រឈមខ្លាំងបំផុត។ ព្រះគ្រូចៅអធិការវត្តប្រាសាទគោកចក បានមានសង្ឃដីកាបន្ថែមថាបញ្ហាសុខភាព និងសេដ្ឋកិច្ច របស់ប្រជាពលរដ្ឋ គឺជា គន្លឹះដ៏សំខាន់ ដូច្នេះទឹកគឺជាចំណែកមួយដែលជួយដល់សុខភាពរបស់ប្រជាពលរដ្ឋ ជាពិសេសនៅរដូវគ្រោះរាំងស្ងួតនេះតែម្តង បើគ្មានទឹក ឬ មានការប្រើប្រាស់ទឹកមិនស្អាត នោះនាំឱ្យប្រជាពលរដ្ឋមានជំងឺប្រចាំកាយ ខាតបង់ប្រាក់កាស មិនអាចប្រកាបរបរចិញ្ជឹមជីវិតបាន និងនាំឱ្យសេដ្ឋកិច្ចគ្រួសារមានការចុះអន់ថយ ។ក្នុងនាមតំណាងឲ្យអាជ្ញាធរសង្កាត់គោកចកក្រុងសៀមរាប លោកស្រី ញ៉ក់ មនោរ័ត្ន សមាជិកក្រុមប្រឹក្សាសង្កាត់ ក៍បានមានប្រសាសន៍ថ្លែងអំណរគុណ ដល់សប្បុរសជននៅប្រទេសអូស្រ្តាលីដែលបានបរិច្ចាគទ្រព្យសម្បត្តិ តាមរយះ ព្រះគ្រូវិចិត្រវង្សា ហែម គឹមសាន ព្រះគ្រូចៅអធិការវត្តប្រាសាទគោកចក ដើម្បីធ្វើអណ្តូងទឹកជូនដល់បងប្អូនប្រជាពលរដ្ឋដែលមានការខ្វះខាតនាពេលនេះ ។ ក្នុងនោះផងដែរលោកស្រី ញ៉ក់ មនោរ័ត្ន ក៍បានមានប្រសាសន៍បន្ថែមថា តាមរយៈអណ្ដូងនេះ នឹងជួយសម្រាលបន្ទុកមួយចំនួនដើម្បីជួយដល់ការរស់នៅ ក្នុងការ ប្រើប្រាសប្រចាំថ្ងៃ ក្នុងការទៅយកទឹកពីរកន្លែងឆ្ងាយដែលមិនមែនជាប្រភពទឹកស្អាត ក្នុងការប្រើប្រាស់ ចិញ្ចឹមសត្វ ការដាំដំណាំរួមផ្សំ មួយចំនួន សម្រាប់ចិញ្ចឹមជីវិត លោកស្រីណែនាំនិង ធ្វើការសំណូមពរឲ្យបងប្អូនប្រជាពលរដ្ឋ ដែលទទួលបានការប្រើប្រាស់ទឹកអណ្តូងស្នប់នេះ សូមថែរក្សា និងឲ្យការប្រើប្រាស់បានយូរអង្វែងតទៅ ដើម្បីជួយបំពេញតម្រូវការរបស់ប្រជាពលរដ្ឋ ដែលខ្វះខាតទឹកប្រើប្រាស់ ជាពិសេសឆ្លើយតបគោលនយោបាយរបស់រាជរដ្ឋាភិបាល ស្តីពីការផ្គត់ផ្គង់ទឹកស្អាតផងដែរ៕
Related Posts
ប្រជាពលរដ្ឋរស់នៅឃុំពានី ខេត្តកំពង់ឆ្នាំង អាចរកចំណូលបានចន្លោះពី ៤-៦ម៉ឺនរៀលក្នុង១ថ្ងៃ ពីមុខរបរផលិតស្ករត្នោតធម្មជាតិ បន្ទាប់ពីប្រមូលផលស្រូវរួច
កំពង់ឆ្នាំង៖ ក្រោយបញ្ចប់ការធ្វើស្រែចម្ការ រួចរាល់បានចាប់បន្តមុខរបររំងាស់ទឹកត្នោតធ្វើស្ករ គឺជាមុខរបរតាំងពីបុរាណមួយយ៉ាងសំខាន់ របស់ប្រជាកសិករខ្មែរយើងនៅតាមតំបន់ស្រុកស្រែចម្ការ និងមិនអាចខ្វះបានផងដែរ ទោះជាបច្ចុប្បន្ន នៅតាមទីផ្សារសម្បូរទៅដោយស្ករស ឬស្ករអំពៅយ៉ាងណាក្តី។ ជាក់ស្តែងប្រជាកសិករនៅក្នុងភូមិទួលសេរី ឃុំពានី ស្រុកកំពង់ត្រឡាច ខេត្តកំពង់ឆ្នាំង បានរៀបរាប់ស្រដៀងគ្នាថា៖ ជាធម្មតាគឺពួកគាត់ចាប់ផ្ដើមចងត្នោត និងកៀបផ្កាចាប់ពីខែ១១ និងខែ១២ទៅ គឺក្នុងអំឡុងពេលប្រមូលផលស្រូវវស្សារួចរាល់។ ហើយមុខរបរ ផលិតស្ករត្នោតនេះបច្ចុប្បន្ន…
លោក ឡាយ វិសិដ្ឋ អភិបាលរងខេត្តពោធិសាត់បាន អញ្ជើញជាអធិបតីក្នុងកិច្ចប្រជុំពិភាក្សាការងារ ក្នុងការបន្តគាំទ្រការអនុវត្តន៍គម្រោងរបស់អង្គការទឹកស្អាត១០០១ក្នុងខេត្តពោធិ៍សាត់
ពោធិ៍សាត់៖ បើកកិច្ចប្រជុំពិភាក្សាការងារ ក្នុងការបន្តគាំទ្រការអនុវត្តគម្រោង របស់អង្គការទឹកស្អាត ១០០១ក្នុងខេត្តពោធិ៍សាត់ ក្រោមអធិបតីភាពលោក ឡាយ វិសិដ្ឋ អភិបាលរងនៃគណៈអភិបាលខេត្ត នៅសាលប្រជុំក្រុមប្រឹក្សាខេត្តពោធិ៍សាត់ នាព្រឹកថ្ងៃទី១២ខែធ្នូឆ្នាំ២០២៣។ លោកស្រី អាម៉ង់ឌីន ឆូស៊ីណង នាយិកាគ្រប់គ្រងអង្គការទឹកស្អាត ១០០១បានឲ្យដឹងថា សព្វថ្ងៃនេះអង្គការទឹកស្អាត១០០១ បានសហការយ៉ាងជិតស្និទ្ធជាមួយមន្ទីរអភិវឌ្ឍជនបទខេត្តពោធិ៍សាត់ លើការផលិតទឹកស្អាតលក់ជូនប្រជាពលរដ្ឋនៅតាមជនបទ ។…
រថយន្តធន់ធំដឹកលើសទម្ងន់បានបំផ្លាញស្ពានឈើមួយកន្លែងរងការខូចខាត
ខេត្តពោធិ៍សាត់៖ ករណីអ្នកបើកបររថយន្តធុនធំមួយគ្រឿងដែលអាចផ្ទុកលើសទម្ងន់ បានបើកឆ្លងកាត់ស្ពានឈើមួយកន្លែងបណ្ដាលរងការបាក់ស្រុតចុះនិងខូចខាតទាំងស្រុង ប៉ុន្តែអ្នកបើករថយន្តនិងព្រូគ្រាន់តែព្រលឹងធំ បង្កការភ្ញាក់ផ្អើលអ្នកស្រុក នៅថ្ងៃទី១៨ ខែសីហា ឆ្នាំ២០២៣។ មន្ត្រីនគរបាលនៃអធិការដ្ឋាននគរបាលស្រុកបាកានបានឱ្យដឹងថា ស្ពានឈើដែលរងការខូចខាតនោះមានទំហំទទឹង៤ម៉ែត្រគុណនឹងបណ្ដោយប្រវែង១៥ម៉ែត្រ ដែលស្ថិតនៅក្នុងភូមិអណ្ដូងសំបួរ ឃុំស្នាមព្រះ ស្រុកបាកាន ខេត្តពោធិ៍សាត់។ មន្ត្រីនគរបាលខាងលើបានអោយដឹងទៀតថា រថយន្តបង្កហេតុម៉ាកហ៊ីយ៉ានដាយ ពណ៌សលាយខៀវ ពាក់ស្លាកលេខ ភ្នំពេញ 3C-0076…