ខេត្តតាកែ ៖ ទឹកជ្រោះផ្អោកស្រុកគីរីវង់ ជារមណីយដ្ឋានដ៏ពេញនិយមមួយ ក្នុងខេត្តតាកែវ ដែលអមដោយព្រៃភ្នំថ្មដា យ៉ាងស្រស់ស្អាតគួរជាទីគយគន់។
លោក ងួន ឌីណា អភិបាលស្រុកគិរីវង់ បានអោយដឹងថាជ្រោះផ្អោកនេះ មានប្រវែងប្រមាណជាង១០០០ម៉ែត្រ និង ទទឹងជាង០២ម៉ែត្រ ដែលហូរពីលើភ្នំធ្លាក់កាត់ថ្មដាតូច-ធំ ចុះមកក្រោម និង មាន ផ្ទះស្បូវ សម្រាប់អង្គុយលេងកម្សាន្ត រួមទាំងមានលក់ម្ហូបអាហារ ដែលមានតម្លៃថោកសមរម្យ សម្រាប់ភ្ញៀវទេសចរណ៍មកកម្សាន្តផងដែរ។ អ្វីដែលកាន់តែជាពិសេសទៀតនោះ រមណីយដ្ឋានទឹកជ្រោះផ្អោក មានទឹកហូរលេងកម្សាន្តគឺចាប់ពីរខែកក្កដា ហើយចំពោះខែដែលមានទឹកហូរខ្លាំងគឺខែកញ្ញា.ខែតុលានឹងពាក់កណ្តាល់ខែវិច្ឆិកា ។សូមបញ្ជាក់ផងដែរថារមណីយដ្ឋានជ្រោះផ្អោកនេះ ស្ថិតនៅក្នុងភូមិជ្រោយស្លែង ឃុំគីរីចុងកោះ និង ភូមិត្រពាំងស្រង់ ឃុំព្រះបាទជាន់ជុំ ស្រុកគីរីវង់ ខេត្តតាកែវ៕
