សៀមរាប៖ យោងតាមឯកសារ ជរដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី រដ្ឋលេខាធិការ ចុះហត្ថលេខាដោយ ឯកឧត្តម ឈួន សុធី
សូមជម្រាបជូន
- ឯកឧត្តមអគ្គបណ្ឌិតសភាចារ្យ ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ – ឯកឧត្តមឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់
- ឯកឧត្តមរដ្ឋមន្ត្រីក្រសួងធនធានទឹក និងឧតុនិយម
- ឯកឧត្តមអភិបាលនៃគណៈអភិបាលខេត្តសៀមរាប
កម្មវត្ថុ៖ ករណីសូមចម្រើនពរបិណ្ឌបាតដីទំហំ ២៨៨.៦០៣ហិកតា ស្ថិតនៅភូមិជ្រាវ និងភូមិបុស្សក្រឡាញ់ សង្កាត់ជ្រាវ ក្រុងសៀមរាប ដើម្បីសាងសង់មជ្ឈមណ្ឌលព្រះពុទ្ធសាសនា វប្បធម៌សន្តិភាព និង ទេសចរណ៍របស់សម្តេចព្រះអគ្គមហាសង្ឃរាជាធិបតី សម្តេចព្រះមហាសង្ឃរាជនៃព្រះរាជាណា ចក្រកម្ពុជា។
យោង ៖ – លិខិតលេខ១២៩២ ដនស ចុះថ្ងៃទី៤ ខែមិថុនា ឆ្នាំ២០២៤ របស់ក្រសួងរៀបចំដែនដី នគរូប នីយកម្ម និងសំណង់ - លិខិតលេខ១០៧ ខន/០២៤ សជណ ចុះថ្ងៃទី១២ ខែមិថុនា ឆ្នាំ២០២៤ របស់ខុទ្ទកាល័យ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា
- ចំណារដ៏ខ្ពង់ខ្ពស់បំផុតរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជា ណាចក្រកម្ពុជា ចុះថ្ងៃទី១០ ខែមិថុនា ឆ្នាំ២០២៤។
សេចក្តីដូចមានចែងក្នុងកម្មវត្ថុនិងយោងខាងលើ ទីស្តីការគណៈរដ្ឋមន្ត្រីសូមជម្រាបជូនឯកឧត្តម
ជ្រាបថា រាជរដ្ឋាភិបាលបានឃើញ និងសម្រេចដូចខាងក្រោម៖
១-គាំទ្រឱ្យមានការអភិវឌ្ឍគម្រោងសាងសង់មជ្ឈមណ្ឌលព្រះពុទ្ធសាសនា វប្បធម៌សន្តិភាព និង ទេសចរណ៍ខាងលើ តែត្រូវស្វែងរកទីតាំងថ្មី ដែលមិនប៉ះពាល់ដល់ការគ្រប់គ្រងនៅក្នុងតំបន់២ និងតំបន់៣ នៃបឹងទន្លេសាប។
២-ត្រូវចុះបញ្ជីដីទំហំ ២៨៨.៦០៣ហិកតា ជាដីសាធារណៈរបស់រដ្ឋឱ្យស្ថិតនៅក្រោមការគ្រប់គ្រងរបស់ ក្រសួងធនធានទឹក និងឧតុនិយម ដែលបច្ចុប្បន្នមានសហគមន៍កសិករប្រើប្រាស់ទឹកចំនួន២ ជាអ្នក អាស្រ័យផលជាក់ស្តែង។
៣-ជូនក្រសួងរៀបចំដែនដី នគរូបនីយកម្ម និងសំណង់ និងរដ្ឋបាលខេត្តសៀមរាប ពិនិត្យមើលទីតាំង ផ្សេងក្រៅពីតំបន់២ និងតំបន់៣ នៃបឹងទន្លេសាប ដើម្បីធ្វើការអភិវឌ្ឍគម្រោងសាងសង់មជ្ឈមណ្ឌល ព្រះពុទ្ធសាសនា វប្បធម៌សន្តិភាព និងទេសចរណ៍ខាងលើ។
៤-ក្រសួងធនធានទឹក និងឧតុនិយម ពិនិត្យលទ្ធភាពចុះបញ្ជីដីទំហំ ២៨៨.៦០៣ហិកតា ជាដី សាធារណៈរបស់រដ្ឋក្រោមការគ្រប់គ្រងរបស់ក្រសួង។ អាស្រ័យដូចបានជម្រាបជូនខាងលើ សូមឯកឧត្តមជ្រាបនិងបាត់ចែងអនុវត្ត។
សូមរម្លឹកផងដែរថា គម្រោងអភិវឌ្ឍន៍លើផ្ទៃដីទំហំ ២៨៨,៦០៣ហិកតា ដែលរាជរដ្ឋាភិបាលបានអនុញ្ញាត តាមរយៈលិខិតលេខ ៩៤៩ សជណ ចុះថ្ងៃទី២០ សីហា ឆ្នាំ២០១៥ របស់ទីស្តីការគណៈរដ្ឋមន្ត្រី អនុញ្ញាតថ្វាយចំពោះសម្តេចព្រះអគ្គមហាសង្ឃរាជធិបតីកិត្តិឧទ្ទេសបណ្ឌិត ទេព វង្ស ដើមី្បធ្វើការអភិវឌ្ឍន៍ នៅក្នុងភូមិសាស្ត្រសង្កាត់ជ្រាវក្រុងសៀមរាប។
ពលរដ្ឋនៅក្នុងមូលដ្ឋាននៃសង្កាត់ជ្រាវ ក្រុងសៀមរាប បានសាទរនិងមានសង្ឃឹមយ៉ាងមុតមាំថាពួកគាត់និងមានជីវភាពធូរធារគ្រាន់បើជាងមុន បន្ទាប់ពីអាជ្ញាធរពាក់ព័ន្ធបានអនុញាតិឲ្យសាងសង់គម្រោងនេះឡើងវិញ ប៉ុន្តែពេលនេះ ត្រូវបានសម្រេចប្តូទីតាំងទៅកន្លែងថ្មីមួយទៀតដែលមិនពាក់ព័ន្ធនិងតំបន់២ និងតំបន់៣ នៃបឹងទន្លេសាប ដើម្បីធ្វើការអភិវឌ្ឍគម្រោងសាងសង់មជ្ឈមណ្ឌល ព្រះពុទ្ធសាសនា វប្បធម៌សន្តិភាព និងទេសចរណ៍។
