សៀមរាប៖ លោក ស៊ាន សុផាត អ្នកយកព័ត៌មានទូរទស្សន៍អប្សរា ប្រចាំខេត្តសៀមរាប និងជាមន្ត្រីកិច្ចសន្យានៃមន្ទីរព័ត៌មានខេត្តសៀមរាប បានទទួលមរណៈភាព ដោយគ្រោះថ្នាក់ចរាចរណ៍។
យោងតាមរបាយការណ៍ កងរាជអាវុធហត្ថក្រុងសៀមរាប នៅវេលាម៉ោង០០:៣០ ថ្ងៃទី០១ ខែឧសភា ឆ្នាំ២០២៤ នៅចំណុចរង្វង់មូលព្រះបាទជ័យវរ្ម័នទី៧ ស្ថិតនៅភូមិថ្នល់ សង្កាត់ស្រង៉ែ ក្រុងសៀមរាប ខេត្តសៀមរាប។
ករណីគ្រោះថ្នាក់ចរាចរណ៍ បង្កឡើងដោយខ្លួនឯង បុកខឿនផ្លូវ ជនរងគ្រោះឈ្មោះ ស៊ាន សុផាត ភេទប្រុស អាយុ៤៥ឆ្នាំ ទីលំនៅភូមិគោកដូង សង្កាត់ទឹកវិល ក្រុងសៀមរាប ខេត្តសៀមរាប បើកបរម៉ូតូម៉ាក Honda FTR ពណ៌ក្រហម ពាក់ផ្លាកលេខភ្នំពេញ 1BC:3031 បណ្ដាលឱ្យ ជនរងគ្រោះស្លាប់០១នាក់ នៅកន្លែងកើតហេតុ ខូចខាតម៉ូតូ០១គ្រឿង សមត្ថកិច្ច សន្និដ្ឋានថា (បើកបរខ្វះការប្រុងប្រយ័ត្ន)។
សពត្រូវបានដឹកយកមករក្សាទុក នៅមន្ទីរពេទ្យបង្អែកខេត្តសៀមរាប នៅព្រឹកថ្ងៃទី០១ខែឧសភា ឆ្នាំ២០២៤ សពត្រូវបានសមត្ថកិច្ច ប្រគល់ជូនក្រុមគ្រួសារសព យកទៅធ្វើបុណ្យតាមប្រពៃណី នៅស្រុកកំណើត ស្ថិតនៅឃុំឈើទាល ស្រុកសណ្តាន់ ខេត្តកំពង់ធំ។
ខ្ញុំបានបាទ ឈ្មោះ កែវ សំណាង ចាងហ្វាង គេហទំព័រ តារាជ្យ សូមចូលរួមរំលែកទុក្ខដ៏ក្រៀមក្រំនេះផង និងសូមអោយលោក ស៊ាន សុផាត បានទៅកាន់សុគតិភព។
