សៀមរាប៖ ដើម្បីចូលរួមអបអរសាទរ បុណ្យចូលឆ្នាំថ្មីប្រពៃណីជាតិខ្មែរ ដែលនឹងឈានចូលមកដល់ឆាប់ៗនេះ អាជ្ញាធរសង្កាត់ស្រង៉ែ ក្រុងសៀមរាបខេត្តសៀមរាប សហការជាមួយនិងព្រះសង្ឃ បានរៀបចំធ្វើសង្ក្រាន្ត ឆ្នាំថ្មី នៅវត្តព្រៃធំ ដើម្បីបង្ករភាពសប្បយារីករាយ ជូនដល់បងប្អូនប្រជាពលរដ្ឋ និងប្អូនសិស្សានុសិស្ស ក៍ដូច ជាទទួលអំណរសាទរបុណ្យចូលឆ្នាំថ្មី ប្រពៃណីជាតិខ្មែរផងដែរ ។ លោកស្រី ធិវ រួន ចៅសង្កាត់ស្រង៉ែ បាន មានប្រសាសន៍ឱ្យដឹងថាការរៀបចំធ្វើសង្ក្រាន្តវត្តព្រៃធំនាពេលនេះឡើងគឺក្នុងគោលបំណងចង់បង្ហាញអំពី អរិយធ៌ ទំនៀមទំលាប់ ប្រពៃណីខ្មែរ តាំងពីសម័យបុរាណ ដល់បងប្អូនប្រជាពលរដ្ឋ និងប្អូនសិស្សានុសិស្ស នាសម័យបច្ចុប្បន្ននេះបានយល់ដឹងនិងចងចាំរហូត។ លោកស្រីចៅ សង្កាត់ស្រង៉ែ បានបន្តថាការរៀបចំធ្វើ សង្ក្រាន្តវត្តព្រៃធំនេះផងដែរ គឺពិតជាមានសារៈសំខាន់ណាស់ព្រោះវាជាឱកាស ដើម្បីបង្កើតបរិយាកាស កម្សាន្តសប្បាយដល់ប្រជាពលរដ្ឋ ជាពិសេសគឺសម្រាប់ក្មេងៗនិងសិស្សានុសិស្សអាចមើលឃើញអំពីវប្ប ធម៌ និងអរិយធម៌របស់ប្រទេសកម្ពុជាដែលជាប្រទេសកំនើតខ្លួន ។ហើយម្យ៉ាងទៀតវាក៏ជាផ្នែកមួយក្នុងការ រក្សាកេរដំណែលរបស់ជាតិ និងរម្លឹកដល់ប្រជាពលរដ្ឋគ្រប់ៗជំនាន់ ឱ្យរក្សានូវ វប្បធម៌ អរិយធម៌ ប្រពៃណី និង ទំនៀមទំលាប់របស់ខ្មែរ តាមរយៈ ការលេងបង្ហាញល្បែងប្រជាប្រិយ គឺជាវប្បធម៌ដែលចាស់ៗជំនាន់ ដើមបន្សល់ទុកឱ្យក្មេងៗជំនាន់ក្រោយឱ្យបានឈ្វេងយល់ទាំងអស់គ្នា ។លោកស្រី ជីវ រួន ចៅសង្កាត់ស្រង៉ែ បានមានប្រសាសន៍បញ្ជាក់បន្ថែមទៀតថាការរៀបចំធ្វើសង្ក្រាន្តនៅវត្តព្រៃធំនេះគឺធ្វើឡើងដោយចំណាយ ថវិកាផ្ទាល់របស់ក្រុមគ្រួសារលោកស្រី ចូលរួមជាមួយនិងថវិការបស់រដ្ឋបាលសង្កាត់ស្រង៉ែ ព្រមទាំងមាន បងប្អូនសប្បុរសជន ចូលរួមជាថវិកា សម្ភារៈ និងភេសជ្ជៈផ្សេងៗជាច្រើន ដើម្បីយកមកប្រើប្រាស់ផ្សេងៗ ដូចជារង្វាន់លើកទឹកចិត្តដល់ប្អូនសិស្សានុសិស្ស និងបងប្អូនប្រជាពលរដ្ឋដែលចូលរួមលេងល្បែង ប្រជាប្រិយកំសាន្តផ្សេងផងដែរ។ សូមបញ្ជាក់ថាការរៀបចំធ្វើសង្រ្កាន្តវត្តព្រៃធំដែលរៀមចំធ្វើឡើងដោយ អាជ្ញាធរសង្កាត់ស្រង៉ែ គឺមានរយៈពេល២ថ្ងៃគឺចាប់ពីថ្ងៃទី០៦ ដល់ទី០៧ ខែមេសាឆ្នាំ២០២៤ ដោយមាន ការចូលរួមកំសាន្តពីបងប្អូនប្រជាពលរដ្ឋនិងប្អូនៗសិស្សានុសិស្សលោកគ្រូអ្នកគ្រូនៃសាលាបឋមសិក្សា ទាំង អស់គឺមាន ចំនួន៣សាលាដែលស្ថិតក្នុងសង្កាត់ស្រង៉ែក្រុងសៀមរាបចូលរួមផងដែរ៕
