រថយន្តម៉ាកស្តារិច បុករថយន្តម៉ាកហ៊ីយ៉ានដាយ ពីក្រោយ បណ្តាលអោយមនុស្សម្នាក់ស្លាប់និងមនុស្ស៦នាក់រងរបួសធ្ងន់និងស្រាល

សៀមរាប៖ នៅលើផ្លូវជាតិលេខ៦ ស្ថិតនៅក្នុងភូមិដំដែកថ្មី ឃុំដំដែក ស្រុកសូទ្រនិគម ខេត្តសៀមរាប មានករណីគ្រោះថ្នាក់ចរាចរណ៍រវាងរថយន្ត០១គ្រឿងម៉ាកស្តារិច ពណ៌ទឹកប្រាក់ ពាក់ស្លាកលេខសៀមរាប2B.9811បើកបរដោយឈ្មោះអិប បូរាណភេទប្រុស អាយុ៣៤ឆ្នាំរស់នៅភូមិវត្តដំណាក់ សង្កាត់សាលាកំរើក ក្រុងសៀមរាបខេត្តសៀមរាប ដឹកអ្នករួមដំណើរចំនួន០៦នាក់ បើកបរក្នុងទិសដៅពីលិចទៅកើតបានបុកពីក្រោយរថយន្តម៉ាក ហីយ៉ាន់ដាយ ពណ៌សលាយបៃតង ពាក់ស្លាកលេខកំពង់ចាម3A.38 44 អ្នកបើកបររត់គេចខ្លួន បណ្ដាលឱ្យរបួស០៦នាក់ និងស្លាប់០១នាក់ឈ្មោះជួង ម៉េងហួរភេទប្រុស អាយុ២០ឆ្នាំ នៅភូមិព្រៃព្រីងត្បូង សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ (អ្នករួមដំណើរ)។

អ្នករបួសមានឈ្មោះ: ១/ឈ្មោះអិប បូរាណ ភេទប្រុសអាយុ៣៤ឆ្នាំ រស់នៅភូមិវត្តដំណាក់ សង្កាត់សាលាកំរើត ក្រុងសៀមរាប ខេត្តសៀមរាប ជាអ្នកបើកបររថយន្ត(របួសធ្ងន់)។ ២/ឈ្មោះហាវ សក្កដាពេជ្រភេទប្រុស អាយុ២០ឆ្នាំ ទីលំនៅភូមិទួលព្រីង សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ ជាអ្នករួមដំណើរ(របួសធ្ងន់)។ ៣/ឈ្មោះសុខ អាន ភេទប្រុស អាយុ២៣ឆ្នាំ ទីលំនៅភូមិជម្ពូវ័ន សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ ជាអ្នករួមដំណើរ(របួសធ្ងន់)។ ៤/ឈ្មោះសំអុល វាសនា ភេទប្រុស អាយុ២៣ឆ្នាំ ទីលំនៅភូមិចោមចៅ២ សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ ជាអ្នករួមដំណើរ(របួសស្រាល)។ ៥/ឈ្មោះហៅ វង្សសែ ភេទប្រុស អាយុ២០ឆ្នាំ ទីលំនៅភូមិចោមចៅ៣ សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ ជាអ្នករួមដំណើរ(របួសស្រាល)។ ៦/ឈ្មោះអ៊ុំ សុខតុង ភេទប្រុស អាយុ២០ឆ្នាំ ទីលំនៅភូមិចោមចៅ២ សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ ជាអ្នករួមដំណើរ(របួសស្រាល)។ បច្ចុប្បន្នអ្នករបួសបញ្ជូនទៅសង្គ្រោះនៅមន្ទីរពេទ្យបង្អែកស្រុក សាកសពប្រគល់ឲ្យក្រុមគ្រួសារធ្វើបុណ្យតាមប្រពៃណី វត្ថុតាងរថយន្តទាំង០២រក្សាទុកនៅអធិការនគរបាលស្រុក។ ករណីនេះបានកើតឡើង នៅវេលាម៉ោង០៤.១៥នាទីថ្ងៃទី១៨ ខែកញ្ញា ឆ្នាំ២០២៣។