កំពង់ឆ្នាំង៖ សមាគមចលនាយុវជនកម្ពុជាក្រុម១៥៧ សាខាខេត្តកំពង់ឆ្នាំង ដឹកនាំដោយលោក គូ ដារា អនុប្រធានព្រមទាំង ក្រុមការងារ ចលនាយុវជនកម្ពុជា១៥៧ រួមនិងអាជ្ញាធរ មូលដ្ឋានស្រុក ឃុំ ភូមិ បាននាំយកអំណោយជាសម្ភារសិក្សា និងថវិកាមួយចំនួនទៀត ចែកជូនសិស្សានុសិស្សចំនួន១០០នាក់ នៅក្នុងសាលាបឋមសិក្សានិងមតេយ្យសាលាល្រពើពុលដែលស្ថិតក្នុងភូមិក្រពើពុល ឃុំក្រាំងដីមាសស្រុករលាប្អខេត្តកំពង់ឆ្នាំង កាលពីថ្ងៃទី ២ខែកញ្ញា ឆ្នាំ២០២៣។
នៅក្នុងឱកាសនោះលោក គូ ដារា បានលើកឡើងថា អំណោយជាសម្ភារសិក្សា និងថវិការមួយចំនួនដែលបាននាំយកមកចែកជូនដល់ក្មួយៗជាសិស្សានុសិស្សនៅពេលនេះ ដោយមើលឃើញពីស្ថានភាពសិស្សា នុសិស្សនិង មតេយ្យដែលនៅក្នុងសាលាកំពុងជួបប្រទះនូវការខ្វះខាតសម្រាប់ប្អូនៗ ដែលកំពង់សិក្សានៅទីនេះគ្រាដែលទឹក ទន្លេហ៊ុំពទ្ធ័ ជួបការលំបាក ហើយនៅដាច់ស្រយ៉ាល ទើបលោក និងក្រុមការងារបានកៀរគបងប្អូនក្នុងក្រុម១៥៧ បានថវិកាខ្លះ ដើម្បីទិញសម្ភារទាំងអស់ខាងលើនេះ នាំយកមកចែកជូនប្អូនៗ ដើម្បីជាការរួមចំណែកជួយសម្រាលនូវការខ្វះខាតរបស់ប្អូនៗដែលកំពុងសិក្សានៅទីនេះ។
មុននឹងចែកអំណោយជាសម្ភារសិក្សា និងសំលៀកបំពាក់ផ្សេងៗមួយចំនួនទៀត រួមទាំងថវិកា ដល់សិស្សានុសិស្ស និងលោកគ្រូអ្នកគ្រូ។
លោក គូ ដារា បានពាំនាំការផ្តាំផ្ញើសាកសួសុខទុក្ខលោក កែវសុវណ្ណារ៉ា នាយកប្រតិបត្តក្រុមចលនាយុវជនកម្ពុជា១៥៧។
ក្នុងនោះលោក គូ ដារ៉ា ក៏បានធ្វើការផ្តាំផ្ញើដល់ប្អូនៗសិស្សានុសិស្សទាំអស់ត្រូវខិតខំប្រឹងប្រែងរៀនសូត្រឲ្យបានពូកែ ដើម្បីឲ្យក្លាយទៅជាសិស្សល្អ និងជាធនធានមនុស្សផ្នែកចំណេះដឹងដ៏សំខាន់ ក្នុងការចូលរួមចំណែកកសាង និងអភិវឌ្ឍន៍សង្គមជាតិតទៅថ្ងៃមុខគឺមានតែប្អូនៗនេះហើយដែលជាទំពាំងស្នងឬស្សី សម្រាប់បន្តវេណបម្រើដល់ជាតិមាតុភូមិរបស់យើងនៅពេលអនាគត។
លោក គូដារ៉ា បានបន្តទៀតថា ដើម្បីឈានទៅ សម្រេចគោលដៅរបស់ប្អូនៗ នៅពេលអនាគតប្អូនៗកូនៗត្រូវតែហាត់ពត់លត់ដំចាប់ពីពេលនេះទៅ។
ទាំងសីលធម៌រស់នៅប្រកប ដោយសេចក្តីថ្លៃថ្នូរ ត្រូវជៀសឲ្យផុតពីការប្រើប្រាស់នូវសារធាតុញៀន ផ្សេងៗ ទាំងស្រា បារី ពិសេសគ្រឿងញៀនរួមនិងគ្រឿងអបាយមុខផ្សេងៗផងដែរ។
ដោយឡែកក្នុងការរស់នៅប្រចាំថ្ងៃក្មួយៗត្រូវរស់នៅប្រកបដោយអនាម័យល្អ ដោយរស់នៅស្អាត ហូបស្អាត ពេលចូលសម្រាកត្រូវចងមុងឲ្យបានត្រឹមត្រូវ ព្រោះរដូវនេះជារដូវវស្សាមានភ្លៀងធ្លាក់ ហើយទឹកទន្លេក៍បាននិងកំពង់ឡើងនិងសំបូរទៅដោយសត្វមូសខ្លា ដែលវាខាំក្មួយៗវានិងចម្លងជំងឺគ្រុនឈាមមកដល់ក្មួយៗហេតុនេះត្រូវតែនាំគ្នាការពារ និងប្រុងប្រយ័ត្នដោយសម្រាកនៅក្នុងមុងនិងស្លៀកពាក់ខោនិងអាវដៃវែងៗផងដែរ។
អំណោយដែលនាំយកមកចែកជូនដល់ក្មួយៗសិស្សានុសិស្សចំនួន១០០នាក់ដោយក្នុងម្នក់ៗទទួលបានសៀវភៅសរសេរ ៧ក្បាល ប៉ិច៧ដើម ខ្មៅដៃ៥ដើម បន្ទាត់៥ដើម ជ័លុប២ដុំនិងកាំបិតខួងខ្មៅដៃ២មានសម្លៀកបំពាក់មួយឈុត សំលៀកបំពាក់កីឡាមួយឈុត អាហារនិងនិងបង្អែមមួយឈុ ថវិការ៥០០០រៀល។
ក្នុងនោះលោកគ្រូ អ្នកគ្រូ៤នាក់ ក្នុងម្នាក់ៗទទួលបានសម្ភារសម្រាប់បំរើដល់ការងារមានមួយឈុត(ការតាប.ប៉ិចសៀវភៅសារ៉ុង១ អាហាមួយឈុត.រួមនិងថវិការ៤០០០០រៀលផដែរ ។
ក្និងនោះអាជ្ញាធមូលដ្ឋាន ៥នាក់ក្នុងម្នាក់ៗទទួលបានអាហាមួយឈុតថវិការ១ម៉ឺនរៀល កម្លាំងប្រជាការពារ១៣នាក់ដោយក្នុងម្នាក់ៗទទួលបាន២ម៉ឺនរៀល ។
ក្រុមចលនាយិវជនកម្ពុជាក្រុម១៥៧ប្រគេនចង្ហាន់និងទេយ្យទាននិងបច្ចយ័សម្រាប់ព្រះសង្ឃគង់ចាំព្រះវស្សាក្នុងវត្តក្រពលចំនួន ២អង្គដោយក្នុងមួយអង្គមួយអង្គទទួលបានបច្ច័យ ៨ ម៉ឺនរៀល។ និងបច្ច័យកសាងសម្រាប់វត្តចំនួន ១៦ ម៉ឺនរៀលផងដែរ។
ជំនួសមុខឲ្យលោកអភិបាលស្រុករលាបៀរនិងប្រជាពលរដ្ឋលោកគ្រូអ្នកគ្រូសិស្សានុសិស្សទាំងអស់នៅក្នុងភូមិក្រពើពុលលោក ផុនសីហា បានថ្លែងអំណរគុណយ៉ាងជ្រាលជ្រៅ ចំពោះក្រុមសមាគមចលនាយុវជនកម្ពុជាក្រុម១៥៧ សាខាខេត្តកំពង់ឆ្នាំង ក៏ដូចជាសប្បុរសជននានាដែលតែងតែបានរួមចំណែកជួយការងារមនុស្សធម៍ជួយដល់សង្គមដើម្បីចូលរួមកាត់បន្ថយភាពក្រីក្រនិងបង្កើននូវវប្បធម៌ចែករំលែកដល់ពលរដ្ឋដែលមានជីវភាពក៏លំបាកខ្វះខាត។
លោកអភិបាលរងស្រុកក៏សូមជូនពរដល់ក្រុមការងារនិងសប្បុរសជនទាំងអស់សូមជួបប្រទះតែនៅពុទ្ធពរទាំងបួនប្រការគឺអាយុវណ្ណៈសុខៈពលៈកុំបីឃ្លៀងឃ្លាតុឡើង។
ជំនួសមុខឱ្យលោកគ្រូអ្នកគ្រូ និងអាណាព្យាបាលរបស់សិស្សរួមទាំងសិស្សានុសិ ស្សទាំងអស់ លោកក៏សូមប្រសិទ្ធិពរជ័យដល់ក្រុមសមាគមចលនាយុវជនកម្ពុជា ក្រុម១៥៧ក៏ដូចជាសប្បុរសជនទាំងអស់ សូមជួបតែពុទ្ធពរទាំង៤ប្រ ការ គឺអាយុ វណ្ណៈ សុខៈ និងពលៈ កុំបីឃ្លៀងឃ្លាតឡើយ៕
