តាកែវ៖ ជនសង្ស័យជាស្ត្រី ០១នាក់ករណីជូញដូរ រក្សាទុកឬប្រើសប្រាស់ដោយខុសច្បាប់ នូវសារធាតុញៀន បានមកលាក់ខ្លួននៅខេត្តតាកែវ ត្រូវបានសម្ថកិច្ច ចាប់ខ្លួនកាលពី ព្រឹកថ្ងៃទី០២ ខែមិថុន ឆ្នាំ២០២៣ ដោយកម្លាំងការិយាល័យប្រឆាំងគ្រឿងញៀនខេត្តព្រះសីហនុ សហការពន្លាតដែនសមត្ថកិច្ចជាមួយកងរាជអាវុធហត្ថខេត្តតាកែវ និងមានការសម្របសម្រួលនីតិវិធីពីព្រះរាជអាជ្ញាអមសាលាដំបូងខេត្តព្រះសីហនុ រួមជាមួយ ព្រះរាជអាជ្ញាអមសាលាដំបូងខេត្តតាកែវ កម្លាំងបានចុះបង្ក្រាបករណីជូញដូរ រក្សាទុកឬប្រើសប្រាស់ដោយខុសនូវសារធាតុញៀន នៅចំណុចភូមិស្វាយពារ ឃុំអង្កាញ់ ស្រុកព្រៃកប្បាស ខេត្តតាកែវ ដោយបានឃាត់ខ្លួនជនសង្ស័យចំនួន ០១នាក់ និងចាប់យកវត្ថុតាងពាក់ព័ន្ធមួយចំនួនធំ មានម្សៅគ្រើមព័ណស ៨កញ្ចប់ធំ និង ២៤កញ្ចប់តូច ថង់ច្រក កាំបិត១ ទូរស័ព្ទ៣គ្រឿង ជញ្ជីងសំរាប់ថ្លឹងមួយគ្រឿង និងសម្ភារ:ពាក់ព័ន្ធមួយចំនួនទៀត។ បច្ចុប្បន្នជនសង្ស័យ និងវត្ថុតាងអាវុធហត្ថខេត្តតាកែវ បានប្រគល់ជូនអាវុធហត្ថខេត្តព្រះសីហនុបន្តនីតិវិធី ។
