រដ្ឋបាលខេត្តសៀមរាប បានសហការជាមួយក្រុមហ៊ុន Solution Natural Resource And Environment (SNR&E) បានបើកសិក្ខាសាលាស្តីពីការ ចែករំលែក និងផ្លាស់ប្តូរចំណេះដឹងពីការថែរក្សាសុខភាព ក្នុងការការពារមិនឱ្យកើតជំងឺទឹកនោមផ្អែម និងវិធីសាស្ត្រថែរក្សា និងការពារមិនឱ្យកើតជំងឺទឹកនោមផ្អែម និងជំងឺតំរងនោម ក្រោមអធិបតីភាព លោក ពិន ប្រាកដ អភិបាលរងខេត្តសៀមរាប ដោយមានសិក្ខាមចូលរួមពីសំណាក់អស់លោកលោកស្រី តំណាងមន្ទីរ-អង្គភាពនានាជុំវិញខេត្ត លោក លោកស្រី ក្រុមប្រឹក្សាសង្កាត់ក្នុងក្រុង និងតំណាងអង្គការ-សមាគមផងដែរ កាលពីរសៀលថ្ងៃទី០៦ ខែ មីនា ឆ្នាំ២០២៤។ លោក អ៊ុល គិមស៊ា ប្រធានក្រុមសិក្សាស្រាវជ្រាវក្រុមហ៊ុន Solution Natural Resource And Environment (SNR&E) បានមានប្រសាសន៍លើកឡើងថា ជម្ងឺទឹកនោមផ្អែម ជាប្រភេទជម្ងឺមួយដែលលាក់មុខ និងពេញនិយម ហើយពេលបច្ចុប្បន្ន ប្រជាជនជាច្រើន បានជួបជម្ងឺនេះ ដោយសារបរិភោគចំណីអាហារ ទឹកមិនស្អាត ស្រាបៀ ភេសជ្ជៈ បន្លែ និងផ្លែឈើដែលគ្មានអនាម័យ។ ជាពិសេស ជម្ងឺទឹកនោមផ្អែម និងជម្ងឺតំរងនោមដែលបានកើតឡើងលើសរីរាង្គលើរាងកាយយើង មិនថាធំ ឬ តូច សុទ្ធតែមានភាពចាំបាច់ជួយឱ្យរាងកាយដំណើរការមិនប្រក្រតី ហើយក្នុងនោះក៏មានតម្រងនោមដែរ។ ត្បិតតែ កម្រងនោមជាសរីរាង្គតូចមួយ តែមានមុខងារសំខាន់ៗដូច ចង្គ្រោះជាតិពុល រក្សាលំនឹងជាតិទឹក ក៏ដូចជាផលិតអ័រម៉ូនមួយចំនួន ។ លោក ពិន ប្រាកដ អភិបាលរងខេត្តបានថ្លែងថា ជំងឺទឹកនោមផ្អែម និងជំងឺតំរងនោម គឺជាឃាតករលាក់មុខ ដែលបាននិងកំពុង សម្លាប់មនុស្សបន្តិចម្តងៗ ដោយពុំដឹងខ្លួន។លោកបានបន្តថា ដោយពិនិត្យឃើញថា ហានិភ័យដែលកើត មានឡើងគួរឱ្យមានការព្រួយបារម្មណ៍ អំពីសុខភាពរបស់មនុស្ស ហើយបញ្ហាទាំងនេះក៏បានគំរាមកំហែងសេដ្ឋកិច្ចជាតិនិងសេដ្ឋកិច្ចគ្រួសារផងដែរនោះទើបរដ្ឋបាលខេត្តសៀមរាប រៀបចំសិក្ខាសាលានេះឡើង ដើម្បីចែករំលែក និងផ្លាស់ប្តូរចំណេះដឹងពីការថែរក្សាសុខភាព ក្នុងការការពារមិនឱ្យកើតជំងឺទឹកនោមផ្អែម និងវិធីសាស្ត្រថែរក្សា និងការពារមិនឱ្យកើតជំងឺទឹកនោមផ្អែម និងជំងឺតំរងនោមដើម្បីឱ្យសិក្ខាកាមដែលអញ្ជើញមកពីស្ថាប័នពាក់ព័ន្ធ នៃរដ្ឋបាលខេត្ត រដ្ឋបាលសង្កាត់ក្នុងក្រុង ព្រមទាំងអង្គការ សមាគម ដៃគូអភិវឌ្ឍន៍នានាក្នុងខេត្តសៀមរាប បានឈ្វេងយល់ និងមានឱកាសបានជួបពិភាក្សា និងផ្តល់យោបល់លើការថែរក្សាសុខភាព ដើម្បីការពារមិនឱ្យកើតជំងឺទឹកនោមផ្អែម និងជំងឺតំរងនោមផងដែរ។ លោកអភិបាលរងខេត្តបានមានប្រសាសន៍បញ្ជាក់ថា ជំងឺទឹកនោមផែ្អម គឺជាជំងឺមួយដែលបង្កឡើងដោយភាពខុសបែ្លកនៃអ័រម៉ូន ដែលអាចបណ្តាលឱ្យមានបញ្ហាជាច្រើនដូចជា ក្រលៀន ជើង ប្រអប់ជើង ភែ្នក បេះដូង ប្រព័ន្ធសសៃប្រសាទ និងចរន្តឈាម។ បើសិនជាយើងទុកវា មិនព្យាបាលទេនោះបញ្ហាទាំងនេះអាចនឹងនាំ ខ្សោយក្រលៀន កើតដំបៅ ស្លាប់អវៈយវៈ ងងិតភែ្នក ឬក៏អាចនឹងនាំឱ្យមាន ការដាច់សរសៃឈាម ក្នុងខួរក្បាលទៀតផង ហើយ ជំងឺទឹកនោមផែ្អម កំពុងតែកើនឡើងជាលំដាប់ផងដែរ។ តាមរយៈសិក្ខាសាលាដ៏មានសារៈសំខាន់នេះ លោកអភិបាលរងខេត្តក៍បានមានប្រសាសន៍ផ្តាំផ្ញើរនិងក្រើនរំឭកដល់អង្គសិក្ខាកាមទាំងអស់ ត្រូវ យកចិត្តទុកដាក់លើសុខភាពផ្ទាល់ខ្លួន និងចូលរួមកាត់បន្ថយហានិភ័យ ដែលបង្កឱ្យមានជំងឺទឹកនោមផ្អែម ដោយផ្អែកលើចំណុចសំខាន់ៗ និងងាយៗ សម្រាប់ការអនុវត្តន៍ ក្នុងការរស់នៅប្រចាំថ្ងៃ ដែលយើងទាំងអស់គ្នាត្រូវប្រកាន់យកមានដូចជា៖ កុំពិសារប្រៃពេក ផ្អែមពេក កុំពិសារខ្លាញ់ពេក និងធ្វើលំហាត់ប្រាណឱ្យបានជាប់ជាប្រចាំ ដែលនេះគឺជាមធ្យោបាយដ៏ល្អ សម្រាប់ការចូលរួមការពារជំងឺទឹកនោមផ្អែម ជំងឺលើសសម្ពាធឈាម និងជំងឺមិនឆ្លងផ្សេងៗទៀតជាដើម។ មួយវិញទៀត ការត្រួតពិនិត្យជាតិស្ករក្នុងឈាម ជាជំនួយក្នុងការរុករកបានទាន់ពេលនូវហានិភ័យ នៃការកើតឡើងជំងឺទឹកនោមផ្អែម ដែលអាចឈានទៅរកការព្យាបាលបានទាន់ពេលផងដែរ។ ត្រូវឧស្សាហ៍តាមដានសម្ពាធឈាមរបស់ខ្លួន ដែលជាទូទៅត្រូវឱ្យនៅក្រោម ១៣០/៨០ ចៀសវាងការពិសារភេសជ្ជៈដែលមានជាតិផ្អែមដែលជាហានិភ័យ ឱ្យមានជំងឺទឹកនោមផ្អែម ប្រភេទ២ (Type 2 Diabetis) និងចូលរួមផ្សព្វផ្សាយឱ្យបានទូលំទូលាយនូវការយល់ដឹង និងចូលរួមអនុវត្ត ហើយ សូមចងចាំថា ជំងឺទឹកនោមផ្អែម ជាជំងឺដែលអាចការពារជាមុនបាន ប្រសិនបើបុគ្គលម្នាក់ៗ អាចត្រួតពិនិត្យបានដោយខ្លួនឯងនូវរបបអាហារ ដែលពិសាប្រចាំថ្ងៃ និងអនុវត្តបានខ្ជាប់ខ្ជួននូវចំណុចសាមញ្ញៗ ផងដែរ ៕
Related Posts
លោកស្រី ប៊ន សុភី អភិបាលរងខេត្តកំពង់ឆ្នាំង ដឹកនាំមន្រ្តីរាជការចូលរួមកាន់បិណ្ឌ វេនទី៥នៅវត្តវិហារបិទមាស នៅស្រុកទឹកផុស
កំពង់ឆ្នាំង៖ លោកស្រី ប៊ន សុភី អភិបាលរងខេត្តកំពង់ឆ្នាំង បានដឹកនាំ មន្រ្តីររាជការជុំវិញខេត្តចូលរួមកាន់បិណ្ឌវេនទី៥ នៅវត្តវិហារបិទមាស ស្ថិតនៅក្នុងស្រុកទឹកផុស ខេត្តកំពង់ឆ្នាំង។ មានប្រសាសន៍សំណេះសំណាលក្នុងឱកាសនោះលោកស្រី ប៊ន សុភី អភិបាលរងខេត្តកំពង់ឆ្នាំង បានបញ្ជាក់ថា ពិធីបុណ្យដាក់បិណ្ឌ-ភ្ជុំបិណ្ឌ ជាពិធីបុណ្យនេះប្រព្រឹត្តទៅតាមបែបទំនៀមខ្មែរផង និងពុទ្ធសាសនាផង ពោលគឺប្រជាពុទ្ធបរិស័ទគ្រប់ជំនាន់ខិតខំរួមគ្នាថែរក្សាតាំងពីសម័យបុព្វកាល អាស្រ័យដោយពិធីបុណ្យដ៏ប្រពៃនេះ…
សមត្ថកិច្ចនគរបាលចរាចរណ៍ និងក្រុងសហការគ្នាធ្វើការអប់រំណែនាំដល់បងប្អូនប្រជាពលរដ្ឋសិស្សានុសិស្សអាជីវករស្ដីពីច្បាប់ចរាចរណ៍ផ្លូវគោក
កំពង់ឆ្នាំង៖ សមត្ថកិច្ចនគបាលចរាចរណ៍និងក្រុងសហការគ្នាធ្វើការអប់រំណែនាំដល់បងប្អូនប្រជាពលរដ្ឋសិស្សានុសិស្សអាជីវករដែលមានយាន្តយន្តគ្រប់ប្រភេទស្ដីពីច្បាប់ចរាចរណ៍ផ្លូវគោកនិងការរៀបចំសណ្តាប់ធ្នាប់សាធារណះតាមដងផ្លូវនិងធ្វើការសម្រួលចរាចរណ៍នៅតាមបណ្តាសាលារៀនផ្សេងៗក្នុងខេត្ត។ វរសេនីយ៍ទោ ហង្ស ប៊ុនហាក់ អធិការងក្រុងកំពង់ឆ្នាំងទទួលផែនចរាចរណ៍និងសណ្តាប់ធ្នាប់អោយដឹងនៅថ្ងៃទី ១៨ ខែកញ្ញា ឆ្នាំ២០២២ថា ដោយមានការចង្អុលបង្ហាញពីលោកឧុត្តមសេនីយ៍ទោ ខូវលី ស្នងការនគរបាលខេត្តកំពង់ឆ្នាំងបានអនុញ្ញាតអោយកងកម្លាំងនគបាលចរាចរណ៍ចេញធ្វើការផ្សព្វផ្សាយស្តីពីច្បាប់ចរាចរណ៍ផ្លូវគោកដល់បងប្អូនប្រជាពលរដ្ឋ បងប្អូនអាជីវក មន្ត្រីរាជការ សិស្សានុសិស្សដែលបើកបរមិនមានពាក់មួគការពារសុវត្ថភាព ស្លាក់លេខ កញ្ចក់សម្រាប់មើលក្រោយ ហើយបើកបរត្រូវមានការអព្យាស្រ័យនិងចុះរៀបចំសណ្តាប់ធ្នាប់នៅខាងមុខមន្ទីរពេទ្យហាក់មានភាពរញ៉េរញ៉ៃ ។ អធិការរងនគបាលក្រុងកំពង់ឆ្នាំងទទួល…
ប្រតិភូសាខាសមាគមនារីកម្ពុជាដើម្បីសន្តិភាពនិងអភិវឌ្ឍន៍ខេត្ត ប្រគេនអង្ករនិងថវិកាសម្រាប់ផ្គត់ផ្គង់ដល់សមណសិស្សពុទ្ធកៈអនុវិទ្យាល័យនិងវទ្យាល័យខេត្តពោធិ៍សាត់
ខេត្តពោធិសាត់៖ លោក អាំង សុជាតា ខូយ រីដា ប្រធានកិត្តិយស សាខាសមាគមនារីកម្ពុជា ដើម្បីសន្តិភាពនិងអភិវឌ្ឍន៍ខេត្តពោធិ៍សាត់ បានដឹកនាំលោកជំទាវ និងលោកស្រី អនុប្រធានកិត្តិយស ប្រធាន អនុប្រធាននិងសមាជិកាសមាគមនារីកម្ពុជា ដើម្បីសន្តិភាពនិងអភិវឌ្ឍន៍ខេត្ត បាននាំយកអង្ករចំនួន៥តោននិង ថវិកាមួយចំនួន សម្រាប់ចូលរួមផ្គត់ផ្គង់ដល់សមណសិស្សពុទ្ធិកៈអនុវិទ្យាល័យនិងវិទ្យាល័យ គឺវត្តពាលញែក សង្កាត់ផ្ទះព្រៃ…