កំពង់ឆ្នាំង៖ សមត្តកិច្ចខណ្ឌរដ្ឋបាលជលផលកំពង់ឆ្នាំងបាន សហការណ៍ជាមួយសហគមន៍នេសាទស្វាយរំពារសែនជ័យ សហគមន៍នេសាទកោះធំ បានចុះរុះរើរបាំងលូស្បៃមុងរាំងភ្ជិតព្រែក បឹង នៅចំណុចព្រែកយួន ភូមិថ្មី និង ចំណុច បឹងសួង ស្ថិតក្នុងភូមិកំពង់អុស ឃុំកំពង់អុស ស្រុកជលគិរី និងបានចាក់លែងកូនត្រីល្អិតៗចូលបឹងធម្មជាតិវិញ នៅខេត្តកំពង់ឆ្នាំង។
ដោយបានបន្តសហការជាមួយអាជ្ញាធរមូលដ្ឋានឃុំផ្លូវទូក សហគមន៍នេសាទផ្លូវទូក បានចុះប្រតិបត្តិការ រុះរើរបាំងសាច់អួនក្រឡាញឹក ចាប់ពីចំណុចខ្វែង ដល់ក្រោយភូមិថ្នល់ឈើទាល ស្ថិតក្នុងភូមិសាស្រ្តឃុំផ្លូវទូក ស្រុកកំពង់លែង។
លោកលី ឡា នាយខណ្ឌរដ្ឋបាលជលផលកំពង់ឆ្នាំងឲ្យដឹងថា៖ ប្រតិបត្តិការនេះធ្វើនៅថ្ងៃទី២៣ ខែធ្នូ ឆ្នាំ២០២៣បានប្រើប្រាស់កម្លាំងចំនួន៩នាក់មធ្យោបាយធ្វើសកម្មភាពការណូ៣គ្រឿង។
ដោយ ក្នុងនោះជាលទ្ធផល បានធ្វើការរុះរើនិងបំផ្លាញចោលរបាំងស្បៃមុងរាំងភ្ជិតព្រែក បឹង ២ករណី ស្មើនឹង ២១ កន្លែង ប្រវែង៥៥០ម៉ែត្រ លូស្បៃមុងចំនួន២១គ្រឿង បង្គោលចំនួន៥០០ដើម និងចាក់ដោលែងត្រីចំរុះចំនួន ១០០គីឡូក្រាមចូលបឹងធម្មជាតិវិញ។
![](https://tareach.com/wp-content/uploads/2023/12/Screenshot_20231224_165313_Telegram-534x1024.jpg)