ខេត្តកំពង់ឆ្នាំង៖ សមត្ថកិច្ចផ្នែករដ្ឋបាលជលផលកំពង់សាទសហការជាមួយសង្កាត់ជលផលសុខជល់គីរីនិងសហគមន៍នេសាទបន្តចុះធ្វើការរុះរើកាប់បំផ្លាញចោលនៅរបាំងស្បៃមុង២២កន្លែង នៅថ្ងៃទី១៤សីហា ឆ្នាំ២០២៣។
កិច្ចប្រតិបត្តការខាងលើនេះដឹកនាំដោយលោក ខៀវ សុផារិទ្ធ នាយផ្នែករដ្ឋបាលជលផលកំពង់ប្រាសាទប្រើប្រាស់កម្លាំងជលផលសង្កាត់ជលផលស្រុកជលគីរីនិងសហគមន៍គៀនតាម៉ាដោយប្រើប្រាស់មធ្យោបាយការណូតបាឡាស្មាច់ចំនួន៣គ្រឿងនិងធ្វើសកម្មភាពក្នុងចំណុចវាលស្រងែ កប់ចេស និងគោកទន្សាយ ភូមិព្រៃគ្រី ឃុំព្រៃគ្រីនិងឃុំពាមឆ្កោក ស្រុកជលគីរី ខេត្តកំពង់ឆ្នាំង ។
នាយផ្នែករដ្ឋបាលជលផលកំពង់ប្រាសាទបានអោយដឹងទៀតថានៅក្នុងកិច្ចប្រតិបត្តិការរយៈពេលពេញមួយថ្ងៃនេះជាលទ្ធផលបានធ្វើការរុះរើនិងកាប់បំផ្លាញចោលរបាំងស្បៃមុង២២កន្លែង ប្រវែង៧០០ម៉ែត្រ លបលូស្បៃមុង២២មាត់បង្គោល២៥០ដើមនិងបានចាក់លែងកូនត្រីល្អិតៗចូលទៅក្នុងបឹងធម្មជាតិវិញផងដែរ ។
ប៉ុន្តែជារឿយៗក្នុងការបង្ក្រាបគេមិនដែលឃើញឃាត់ខ្លួនជនល្មើសបានម្ដងណាឡើយដោយក្រុមជនល្មើសតែងតែដឹងខ្លួនមុនជានិច្ចហើយតែងបានគេចខ្លួនបាត់ ៕
![](https://tareach.com/wp-content/uploads/2023/08/IMG_20230814_182840_007-1024x768.jpg)
![](https://tareach.com/wp-content/uploads/2023/08/IMG_20230814_182839_709.jpg)
![](https://tareach.com/wp-content/uploads/2023/08/IMG_20230814_182840_124-1024x597.jpg)
![](https://tareach.com/wp-content/uploads/2023/08/IMG_20230814_182840_621-1024x768.jpg)
![](https://tareach.com/wp-content/uploads/2023/08/IMG_20230814_182840_676-1024x768.jpg)