![Logo](https://angkorflash.com/wp-content/uploads/2022/02/afn-logo-90-1-300x63.jpg)
![Header Banner](https://angkorflash.com/wp-content/uploads/2023/02/panno-01.png)
ពុទ្ធោ..គ្រឿងញ៉ាំរាល់ថ្ងៃគ្មានគុណភាព នាំចូលពីប្រទេសថៃ ជាង៤០០០គីឡូក្រាម ត្រូវសមត្ថកិច្ចខេត្តបន្ទាយមានជ័យ បង្ក្រាបបានទៀតហើយ!
ខេត្តបន្ទាយមានជ័យ៖សេចក្តីរាយការណ៍បានឲ្យដឹងថា កម្លាំងសមត្ថកិច្ចចម្រុះ នៅខេត្តបន្ទាយមានជ័យបានសហការគ្នា ចុះបង្ក្រាបបានរថយន្ត១គ្រឿងដែលលួចដឹក ផលិតផលពីសត្វចម្រុះទម្ងន់ជាង៤តោនស្មើ និង៤. ៤៤១គីឡូក្រាម នៅច្រកព្រំដែនតំបន់បឹងត្រកួន ក្នុងភូមិបន្ទាយមានរឹទ្ធិ ឃុំគោករមៀត ស្រុកថ្មពួកខេត្តបន្ទាយមានជ័យ ហើយគ្រោងនឹងនាំទៅបំផ្លាញចោលនៅថ្ងៃត្រង់ថ្ងៃទី១ខែ មិថុនាឆ្នាំ២០២៣នេះ។
សមត្ថកិច្ចបានឲ្យដឹងថា ផលិតផលទាំងអស់នេះ ត្រូវបានឈ្មួញកម្ពុជា និងថៃ បានឃុបឃិតនឹងបុគ្គលខ្លះនៃសមត្ថកិច្ចជំនាញមួយនៅក្នុងខេត្ត ហើយរត់ការ រួចនាំចូលតាមច្រកតំបន់ព្រំដែនបឹងត្រកួនតាំងពីថ្ងៃទី២៩ ខែឧសភាឆ្នាំ២០២៣ មកម្លេះ ។ប៉ុន្តែពេលផលិតផលនាំចូលតាមរថយន្តថៃចូលមក ហើយផ្ទេរដាក់រថយន្តកម្ពុជា ១គ្រឿងម៉ាកហ៊ីយាន់ដាយ( HYUNDAI ) កូរ៉េចង្កូតឆ្វេង ពាក់ស្លាកលេខ កំពង់ស្ពឺ 3A-1626 ដែលមានម្ចាស់និងអ្នកបើកមានឈ្មោះ លឹម ចាន់លាង ភេទប្រុស អាយុ ៦០ឆ្នាំ មុខរបរស៊ីឈ្នួលដឹកទំនិញ គេចពន្ធគយ ផលិតផលទាំងអស់នេះ ពុំមានឯកសារយោងនិងលិខិតអនុញាតិពីជំនាញផលិតកម្មនិងបសុព្យាបាលនិង ជំនាញជលផលនៃក្រសួងកសិកម្ម រុក្ខាប្រមាញនិងនេសាទចេញឲ្យទេ។ប៉ុន្តែមន្ត្រីពេទ្យសត្វដែលចូលរួមសហការនោះដែរនោះបាននិយាយថាផលិតផលទាំងនោះ ភាគច្រើន បានខូចគុណភាពហើយ ព្រោះតែរក្សាទុកក្នុងសីតុណ្ហភាព ការវេចខ្ចប់មិនសមស្របនិងមានរយ:ពេលច្រើនថ្ងៃ។ចំណែកម្ចាស់រថយន្តHYUNDAI ដែលទទួលដឹកទំនិញដែលគ្មានការអនុញាតិច្បាប់នោះមានទីលំនៅក្នុង ភូមិកំពង់ត្រាចទី១ ឃុំកំពង់ត្រាចខាងកើត ស្រុកកំពង់ត្រាច ខេត្តកំពត គាត់បានប្រាប់សមត្ថកិច្ចថា ក្នុងការបង្ក្រាបនោះសមត្ថកិច្ចចម្រុះ បានដកហូតផលិតផលចម្រុះសរុប ៤. ៤៤១គីឡូក្រាមមានដូចជា ១ពោះតាន់ជ្រូក ចំនួន ១១កេះ ស្មើនឹង ៤៤០គីឡូក្រាម ១កេះ ស្មើនឹង ៤០គីឡូក្រាម ២-ជើងទា ចំនួន២១កេះ ស្មើនឹង ៥២៥គីឡូក្រាម (១កេះ ស្មើនឹង ២៥គីឡូក្រាម) ។៣-ប្រហិតសាច់មាន់ ចំនួន ២៣កេះ ស្មើនឹង២៧៦គីឡូក្រាម ១កេះស្មើនឹង ១២គីឡូក្រាម។ ៤-ខ្យងប៉ារ៉ា ចំនួន ៤០កេះ ស្មើនឹង ២០០ថង់ ស្មើនឹង ២០០គីឡូក្រាម។ ៥-សាច់មឹក ចំនួន ១០០កេះ ស្មើនឹងចំនួន ១ ០០០ថង់ ស្មើនឹង ១ ០០០គីឡូក្រាម ។ ៦-ត្រីសាបាក់ ចំនួន ២០០កេះ ស្នើនឹង ២ ០០០គីឡូក្រាម ។ចំណែកផលិតផលខាង ត្រូវសមត្ថកិច្ចចម្រុះបានធ្វើកំណត់ហេតុដកហូត រួចស្នើសុំគោលការណ៍និតិវិធីពីលោកព្រះរាជអាជ្ញា នៃអយ្យការអមសាលាដំបូងខេត្តបន្ទាយមានជ័យ ដើម្បីយកទៅកម្ទេចចោលតាមវិធានបសុពេទ្យ នៅថ្ងៃទីត្រង់ថ្ងៃទី២ខែមិថុនានេះ ។ បន្ទាប់ពីគេបញ្ជូនផលិតផលចម្រុះឬវត្ថុតាងខាងលើពីការិយាល័យគយនិងរដ្ឋាករច្រកតំបន់ព្រំដែនបឹងត្រកួនមករក្សាទុកនៅក្នុងបរិវេណគយចល័តនៃ សាខាគយ និងរដ្ឋាករខេត្តបន្ទាយមានជ័យ នៅផ្លូវជាតិលេខ៥ចំនុចសាលាក្រហម ស្ថិតក្នុងភូមិសាលាក្រហម ឃុំកូប ស្រុកអូរជ្រៅ ខេត្តបន្ទាយមានជ័យ កាលពីរសៀលថ្ងៃទី ១ ខែ មិថុនា ឆ្នាំ២០២៣ កន្លងមកហើយ ៕
![](https://tareach.com/wp-content/uploads/2023/06/IMG_20230602_121235_667-1068x712-1-1024x683.jpg)
![](https://tareach.com/wp-content/uploads/2023/06/IMG_20230602_121239_596-768x1024.jpg)
![](https://tareach.com/wp-content/uploads/2023/06/IMG_20230602_121239_564-1068x601-1-1024x576.jpg)
![](https://tareach.com/wp-content/uploads/2023/06/IMG_20230602_121239_564-1068x601-2-1024x576.jpg)
![](https://tareach.com/wp-content/uploads/2023/06/IMG_20230602_121240_057-1068x801-1-1024x768.jpg)
![](https://tareach.com/wp-content/uploads/2023/06/IMG_20230602_121330_153-1068x601-1-1024x576.jpg)