អភិបាលខេត្តកំពង់ឆ្នាំង ជម្រុញឲ្យមន្ទីរជំនាញចុះពិនិត្យ ទីតាំងដីមួយកន្លែង ចំណុចព្រំប្រទល់ស្រុកកំពង់ត្រឡាច និងស្រុកសាមគ្គីមានជ័យ ខណៈមានអ្នក បោះបង្គោលចូលបឹងធម្មជាតិ
ខេត្តកំពង់ឆ្នាំង៖ សេចក្តីរាយការណ៍ពីប្រជាពលរដ្ឋឲ្យដឹងថា ទីតាំងបឹងលាជជាបឹងធម្មជាតិមួយកន្លែងស្ថិតក្នុងចំណុចព្រំប្រទល់ឃុំពានី ស្រុកកំពង់ត្រឡាច និងឃុំសេដ្ឋីស្រុកសាមគ្គីមានជ័យ ខេត្តកំពង់ឆ្នាំង ពេលនេះមានជនខិលខូច បានចូលយកបង្គោលដែលជាសសរបេតុងចូលបោះព្រុំចំណីបឹងយកជាកម្មសិទ្ធឯកជនផ្ទាល់ខ្លួន។ ការបោះបង្គោលព្រំដីនេះក្រោយមានការស្តារ និងកាយដីបឹងនៅចំណុចខាងលើ ជាច្រើនហិកតាផងនោះ និងស្នើជំនាញមន្ទីរពាក់ព័ន្ធចុះពិនិត្យ ។ ដោយឡែកលោក វន ស៊ីផា អភិបាលស្រុកកំពង់ត្រឡាចវិញបានបញ្ជាក់ឲ្យដឹងតាមប្រព័ន្ធតេឡេក្រាមថា ក្នុងនាមអាជ្ញាធរស្រុកបានស្នើសុំឲ្យមន្ទីរជំនាញ(មន្ទីរធនធានទឹក)ចុះមកកំណត់ព្រំប្រទល់បឹងតាំងពីយូរមកហើយ ប៉ុន្តែមិនទាន់ទទួលចម្លើយ។ កន្លងមករដ្ឋបាលស្រុកបានចុះពិនិត្យព្រំប្រទល់បឹងម្តងហើយ…
