ការនាំចេញផលិតផល របស់ក្រុមហ៊ុនសហគ្រាសឬសិប្បកម្មផលិត មិនមែនជាការងាយស្រួលទេ គឺទាមទារឱ្យមានការអភិវឌ្ឍគុណភាពផលិត និងមានច្បាប់លិខិតបទដ្ឋានគតិយុត្តិ នៃប្រទេសនាំចេញ
សៀមរាប៖ ថ្លែងក្នុងឱកាសបើកសិក្ខាសាលា កម្មវិធីសន្ទនាស្តីពីការនាំចេញសម្រាប់ សហគ្រាសធុនតូចនិងមធ្យម អនុលោមភាពលើវិញ្ញាបនបត្រស្ដង់ដារគុណភាពអន្តរជាតិសម្រាប់ការនាំចេញដែលរៀបចំឡើងនៅសណ្ឋាគារសុខាល័យអង្គរ រីហ្សតនិងស្ប៉ា ខេត្តសៀមរាបនាព្រឹកថ្ងៃទី២៣ខែកុម្ភៈឆ្នាំ២០២៤នេះ លោកឧកញ៉ាបណ្ឌិត ហ៊ុយ ភៀវ អនុប្រធានប្រធានសភាពាណិជ្ជកម្មកម្ពុជា និងជាប្រធានសភាពាណិជ្ជកម្មខេត្តសៀមរាប-ឧត្តរមានជ័យបានមានប្រសាសន៍ថា៖ពាក់ព័ន្ឋនឹងការនាំចេញជារឿងមួយមិនងាយស្រួលសម្រាប់ក្រុមហ៊ុនសហគ្រាសឬសិប្បកម្មផលិតនោះឡើយ ដោយសារការនាំចេញត្រូវឱ្យមានការប្រឹងប្រែងអភិវឌ្ឍសមត្ថភាព អភិវឌ្ឍគុណភាព ផលិតផលនិងច្បាប់លិខិតបទដ្ឋានគតិយុត្តិរបស់ប្រទេសនាំចេញជាដើម។ ហេតុនេះក្រុមហ៊ុន សហគ្រាស សិប្បកម្ម ឬរោងចក្រនាំចេញ ត្រូវស្វែងយល់បន្ថែមទៀតពាក់ព័ន្ឋនឹងតម្រូវការឬការចង់បានរបស់ទីផ្សារគោលដៅនាំចេញ…