មាតិកាព័ត៌មាន

សម្តេចតេជោ ហ៊ុន សែន​ អញ្ជេីញជួបពិភាក្សាការងារ ជាមួយលោកជំទាវ អោង សានស៊ូជី (Aung San Suu Kyi)

នៅព្រឹកថ្ងៃទី៣០ ខែមេសា ឆ្នាំ២០១៩នេះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានអញ្ជេីញជួបពិភាក្សាការងារជាមួយលោកជំទាវ អោង សានស៊ូជី (Aung San Suu Kyi) ទីប្រឹក្សារដ្ឋ នៃសាធារណរដ្ឋសហភាពមីយ៉ាន់ម៉ា ក្នុងឱកាសដែលលោកជំទាវអញ្ជើញមកបំពេញទស្សនកិច្ចផ្លូវការរយៈពេល៣ថ្ងៃនៅក្នុងប្រទេសកម្ពុជា។ ក្នុងជំនួបពិភាក្សាការងារ ដែលធ្វើឡើងនៅវិមានសន្តិភាពនោះ លោកជំទាវ អោង សានស៊ូជី (Aung San Suu Kyi) បានជម្រាបជូនសម្តេចតេជោថា នេះគឺជាលើកទី១ហើយ ដែលលោកជំទាវ បានបំពេញដំណើរទស្សនកិច្ចមកកាន់កម្ពុជា ក្នុងការមកជួបចរចាជាមួយនឹងសម្ដេចតេជោ ហើយជាពិសេសគឺដើម្បីពង្រឹង និងពង្រីកទំនាក់ទំនងទ្វេភាគី រវាងប្រទេសទាំងពីរ ឲ្យកាន់តែរីកចម្រើនខ្លាំងឡើង ហើយកាន់តែសកម្មឡើងថែមទៀត។ ក្នុងន័យនេះ លោកជំទាវបាន​លើកឡើង ពីកិច្ចសហប្រតិបត្តិការ លើវិស័យវប្បធម៌ វិស័យសាសនា វិស័យអប់រំ ដូចជាវិស័យសេដ្ឋកិច្ចផងដែរ។ ជាការឆ្លើយតប សម្ដេចតេជោ ហ៊ុន សែន បានស្វាគមន៍ ចំពោះការលើកឡើងនូវកិច្ចសហប្រតិបត្តិការ​សំខាន់ៗ រវាងប្រទេសយើងទាំងពីរ …

អានបន្ត»

ស្វាគមន៍ដំណើរទស្សនកិច្ចផ្លូវការរបស់ លោកស្រី អោង សានស៊ូជី (Aung San Suu Kyi) មកកាន់ព្រះរាជាណាចក្រកម្ពុជា

នៅរសៀលថ្ងៃទី២៩ ខែមេសា ឆ្នាំ២០១៩នេះលោកស្រី អោង សានស៊ូជី (Aung San Suu Kyi) ទីប្រឹក្សារដ្ឋនៃសាធារណរដ្ឋសហភាពមីយ៉ាន់ម៉ា បានដឹកនាំគណៈប្រតិភូ មកដល់ប្រទេសកម្ពុជាហើយ ដើម្បីបំពេញទស្សនកិច្ចផ្លូវការរយៈពេល៣ថ្ងៃនៅកម្ពុជា តបតាមការអញ្ជើញរបស់សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា ក្នុងគោលបំណងដើម្បីពង្រឹង និងពង្រីកថែមទៀតនូវចំណងមិត្តភាព និងកិច្ចសហប្រតិបត្តិការទ្វេភាគីលើគ្រប់វិស័យ ព្រមទាំងក្នុងក្របខ័ណ្ឌអាស៊ាន និងពហុភាគី។ តាមការគ្រោងទុក ក្នុងអំឡុងពេលទស្សនកិច្ច លោកស្រី អោង សានស៊ូជី នឹងចូលបង្គំគាល់ ព្រះករុណា ព្រះបាទ សម្តេច ព្រះបរមនាថ នរោត្តម សីហមុនី ព្រះមហាក្សត្រនៃ ព្រះរាជាណាចក្រកម្ពុជា និងសម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរនៅក្នុងព្រះបរមរាជវាំង។ លោកស្រីក៏នឹងចូលជួបសម្តែងការគួរសមជាបន្តបន្ទាប់ ជាមួយសម្តេចវិបុលសេនាភក្តី សាយ ឈុំ ប្រធានព្រឹទ្ធសភា និងសម្តេចពញាចក្រី ហេង សំរិន ប្រធានរដ្ឋសភា …

អានបន្ត»

គ្រូពេទ្យទាំងអស់ ខិតខំលើកកម្ពស់ក្រមសីលធម៌វិជ្ជាជីវៈ កុំឲ្យមហាជនរិះគន់

ខេត្តសៀមរាប៖ ឯកឧត្តមសាស្រ្តាចារ្យវេជ្ជបណ្ឌិត ធា គ្រុយ រដ្ឋលេខាធិការក្រសួងសុខាភិបាល និង ជាប្រធានក្រុមប្រឹក្សាគណៈគ្រូពេទ្យជាតិកម្ពុជា បានមានប្រសាសន៍ថា បច្ចុប្បន្ននេះវិស័យសុខាភិបាលកម្ពុជា ពិសេសសមត្ថភាពរបស់គ្រូពេទ្យកម្ពុជា មានការរីកចម្រើនខ្លាំង ប៉ុន្តែក៏នៅមានចំណុចខ្វះខាតមួយចំនួនដែលត្រូវកែប្រែឡើងវិញ ខណៈដែលគ្រូពេទ្យរបស់យើងមួយចំនួន កំពុងត្រូវបានមហាជនទូទៅ ក៏ដូចជាអ្នកជំងឺផ្ទាល់ធ្វើការរិះគន់ថា ពុំមានការទទួលខុសត្រូវចំពោះភារៈកិច្ចរបស់ខ្លួន ខ្វះការគោរពក្រមវិជ្ជាជីវៈ ជាដើម ដូច្នេះដើម្បីចៀសវាងនូវការរិះគន់នេះ សូមគ្រូពេទ្យទាំងអស់កុំគិតយកវិជ្ជាជីវៈធ្វើជំនួញ ព្រោះជំនាញរបស់គ្រូពេទ្យគេមិនឲ្យធ្វើជំនួញទេ ហើយក៏មិនត្រូវនាំគ្នាកៀបស៊ីអ្នកជំងឺដែរ ។ ឯកឧត្តមសាស្រ្តាចារ្យវេជ្ជបណ្ឌិត ធា គ្រុយ មានប្រសាសន៍ទៀតថា គ្រូពេទ្យត្រូវតែអនុវត្តការងារឲ្យបានច្បាស់លាស់ ដោយពឹងផ្អែកលើជំនាញសុខាភិបាល ក្នុងស្មារតីគោរពក្រមសីលធម៌វិជ្ជាជីវៈ ដើម្បីទប់ស្កាត់គ្រោះថ្នាក់ចំពោះអ្នកជំងឺ ហើយគ្រូពេទ្យត្រូវតែគោរពពេលវេលាការងារឲ្យបានត្រឹមត្រូវ ព្រោះទាំងនេះគឺជាតម្រូវការចាំបាច់ក្នុងការផ្ដល់សេវាសុខាភិបាលសម្រាប់អ្នកជំងឺ ហើយក្រសួងកំពុងតែពិចារណា និងពិនិត្យឡើងវិញចំពោះគ្រូពេទ្យណា ដែលនៅតែមានការធ្វេសប្រហែស និងខ្ជីខ្ជាក្នុងការងារ ធ្វើឱ្យប៉ះពាល់ដល់អ្នកជំងឺ ហើយក្រសួងនឹងដាក់វិន័យ ធ្វើការព្រមាន និងអាចឈានទៅផ្អាកមិនឱ្យធ្វើជាគ្រូពេទ្យក្នុងមួយរយៈណាមួយ បើសិនជារកឃើញករណីបង្កបញ្ហាជាបន្តបន្ទាប់នោះ ព្រោះថាក្រសួងសុខាភិបាលបានខិតខំអភិវឌ្ឍន៍ និងពង្រឹងសមត្ថភាពគ្រូពេទ្យនៅទូទាំងប្រទេស ឱ្យចេះគ្រប់គ្រងខ្លួនឯង ឲ្យមានការយល់ដឹងចំពោះភារកិច្ចព្យាបាលអ្នកជំងឺ មានជំនាញវិជ្ជាជីវៈ និងក្រមសីលធម៌ជាគ្រូពេទ្យ ។ ឯកឧត្តមសាស្រ្តាចារ្យ …

អានបន្ត»

ប្រជាពលរដ្ឋក្នុងឃុំល្វាក្រាំង សុំឲ្យអាជ្ញាធរជួយជីកអណ្តូងឲ្យពួកគាត់

ខេត្តសៀមរាប៖ ប្រជាពលរដ្ឋដែលរស់នៅក្នុងឃុំល្វាក្រាំង ស្រុកវ៉ារិន បានត្អូញត្អែថា ឲ្យតែដល់រដូវប្រាំងពួកគាត់មានការលំបាកជាខ្លាំង ព្រោះតែកង្វះទឹកប្រើប្រាស់ប្រចាំថ្ងៃ។ លោក ងិ សុគា រស់នៅក្នុងភូមិគោគចាន់ ឃុំល្វាក្រាំង បានលើកឡើងថា ដោយសារតែការខ្វះទឹកប្រើប្រាស់ប្រចាំថ្ងៃ រូបគាត់ក៏ដូចជាអ្នកភូមិ បានទៅដឹកទឹកពីកន្លែងឆ្ងាយៗ ហើយត្រូវប្រឹងយួរប៊ីដុងដាក់ទឹកចំណុះ៣០លីត្រពីក្នុងស្រះឡើងមកមាត់ស្រះ ។ លោកថា ដោយសារប្រឹងដងទឹកខ្លាំងលោកបានធ្លាក់ខ្លួនឈឺដើមទ្រូង មិនអាចចុះទៅដងទឹកពីក្នុងស្រះបាន។ ចំណែកអ្នកស្រី ចំរើន ធិ រស់នៅភូមិគោគឧិទ័យ ក៏បានឲ្យឲ្យដឹងដែរថា ក្នុងភូមិរបស់អ្នកស្រី ក៏មានការខ្វះខាតទឹកប្រើប្រាស់ដែរ ។ អ្នកស្រីឲ្យដឹងថា ពេលត្រូវការប្រើទឹកម្តងៗ ត្រូវទៅដងនៅកន្លែងឆ្ងាយៗ ឬទិញពីគេ។ ចំណែកអ្នកភូមិដទៃទៀតក្នុងឃុំល្វាក្រាំង ស្រុកវ៉ារិន ខេត្តសៀមរាប ក៏បានអះអាងប្រហាក់ប្រហែលគ្នាដែរថា កង្វះទឹកស្អាតនៅរដូវប្រាំងនេះ បានធ្វើឲ្យពួកគាត់ដែលជាប្រជាពលរដ្ឋក្រីក្រ ជួបប្រទះបញ្ហាលំបាកក្នុងការរស់នៅប្រចាំថ្ងៃជាខ្លាំង ។ ប្រជាពលរដ្ឋបានអះអាងថា ក្នុងស្រុកភូមិពួកគាត់ ជាកន្លែងដែលខ្វះប្រភពទឹកក្រោមដី បើទោះជាពួកគាត់ចង់បុកអណ្តូងស្នប់ក៏ពុំមានលទ្ធភាពដែរ ព្រោះការជីកអណ្តូងស្នប់មួយត្រូវចំណាយ មិនក្រោម១០០០ដុល្លានោះទេ។ ដូច្នេះប្រជាពលរដ្ឋសំណូមពរដល់អាជ្ញាធរ ឬសប្បុរសជន ជួយជីកអណ្តូង ដើម្បីឲ្យពួកគាត់មានទឹកប្រើប្រាស់សម្រាប់ឆ្នាំក្រោយទៀត។ …

អានបន្ត»

នគរបាល​អន្តោប្រវេសន៍ បង្ក្រាប​ករណី​សម្អាត​ប្រា​ក់ជាង​៣​លាន​៥​សែន​ដុល្លារ​

ភ្នំពេញ ៖ កម្លាំង​នគរបាល​អន្តោប្រវេសន៍​ក្រសួងមហាផ្ទៃ ព្រម​ព្រមទាំង​មន្ត្រី​មាន​សមត្ថកិច្ច​នៃ​អគ្គនាយកដ្ឋាន​គយ និង​រដ្ឋាករ​កម្ពុជា នៃ​ក្រសួង​សេដ្ឋកិច្ច និង​ហិរញ្ញវត្ថុ បាន​សហការ​ឃាត់ខ្លួន​ជនសង្ស័យ​៣​រូប ពាក់ព័ន្ធ​នឹង​ការសម្អាត​ប្រាក់ បន្ទាប់ពី​ពួកគេ​បាន​នាំចូល​សាច់ប្រាក់​ចំនួន​៣.៥២០.០០០(​បី​លាន​ប្រាំ​សែន​ពីរម៉ឺន​)​ដុល្លារ​អាមេរិក ដោយ​ពុំមាន​ការបញ្ជាក់​អំពី​ប្រភព​ហិរញ្ញវត្ថុ ពី​ទីក្រុង​ហុងកុង ចូលមក​កម្ពុជា​។ ​យោងតាម​របាយការណ៍​អគ្គនាយក​រដ្ឋា​ន​អន្តោ​ប្រវេ​ន៍ គោរព​ជូន​សម្ដេច​ក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រី​ក្រសួងមហាផ្ទៃ ប្រតិបត្តិការ​ឃាត់ខ្លួន​ជនសង្ស័យ និង​វត្ថុតាង​ជា​សាច់ប្រាក់​នេះ បានធ្វើ​ឡើង​នៅ​ថ្ងៃទី​២៣ ខែមេសា ឆ្នាំ​២០១៩ នៅ​ច្រកទ្វារ​អាកាសយានដ្ឋាន​អន្តរជាតិ​ភ្នំពេញ ក្នុងនោះ ជនសង្ស័យ​ទី​១​មានឈ្មោះ Wang Shiping , ទី​២​ឈ្មោះ Wang Lichao ទី​៣​ឈ្មោះ Zhang Jian ។ ជនសង្ស័យ​ទាំង​៣​គឺជា​ជនជាតិ​ចិន នឹង​ធ្លាប់​ធ្វើដំណើរ​ទៅមក​ប្រទេស​កម្ពុជា​ជាច្រើនលើក ។​ ​លទ្ធផល​នៃ​ការសាកសួរ បាន​បង្ហាញថា ជនសង្ស័យ​២​នាក់ គឺ​ឈ្មោះ Wang Shiping និង​ឈ្មោះ Wang Lichao ពិតជា​បាន​យក​សាច់ប្រាក់​សរុប​ចំនួន​៣៥២០០០០​ដុល្លា​អាមេរិក​ចេញពី​ទីក្រុង​ហុងកុង​មកកាន់​ប្រទេស​កម្ពុជា​មែន …

អានបន្ត»

អគ្គិភ័យឆាបឆេះអស់ទាំងស្រុង និងរបួសស្រាលក្មេងម្នាក់ ព្រមទាំងខូចខាតទ្រព្យសម្បត្តិមួយចំនួនធំ

សៀមរាប៖ សមត្ថកិច្ចមូលដ្ឋានបានឲ្យដឹងថា ផ្ទះលក់ចាបហួយមួយខ្នងទំហំ ៤ម៉ែត្រគុណនិង ៦ម៉ែត្រ ធ្វើអំពីឈើ ប្រក់សង្កសី ជញ្ជាំងក្តា ត្រូវបានអគ្គិភ័យឆាបឆេះអស់ទាំងស្រុង និងរបួសស្រាលក្មេងម្នាក់ ព្រមទាំងខូចខាតទ្រព្យសម្បត្តិមួយចំនួនធំផងដែរ។ហេតុការណ៍នេះកើតឡើងនៅវេលាម៉ោង១៨និង៥៥នាទីថ្ងៃទី២៤ ខែមេសាឆ្នាំ២០១៩ នៅភូមិរហាល ឃុំតាសៀម ស្រុកស្វាយលើ ខេត្តសៀមរាប។ លោកវរសេនីយ៍ឯក ស៊ុន អេង អធិការនគរបាលស្រុកស្វាយលើ បានឲ្យដឹងនៅរសៀលថ្ងៃទី ២៥នេះថា ជនរងគ្រោះឈ្មោះរឿន សារ៉ាត់ ភេទប្រុស អាយុ ២៩ឆ្នាំ និងប្រពន្ធឈ្មោះ ឈៀត ស៊ីយាំ អាយុ ២៥ឆ្នាំ ទីលំនៅភូមិរហាល ឃុំតាសៀម ស្រុកស្វាយលើ ខេត្តសៀមរាប។កូនឈ្មោះរ៉ាត់ រ៉ាយុត្តិ ភេទប្រុស អាយុ៧ឆ្នាំ របួសជើងទាំងពីរ ស្រាល។លោកបន្តថា មូលហេតុបណ្តាលមកពីឈ្មោះឈៀត ស៊ីយាំ បានដាំបាយនិងចង្រ្កានហ្កាសហើយកូនឈ្មោះរ៉ាត់ រ៉ាយ៉ុត ភេទប្រុសអាយុ៧ឆ្នាំ បានជញ្ជូនដបសំាងស្រាប់តែធ្លាក់ដបសាំងហើយក៏ឆាបឆេះផ្ទះភ្លាមៗតែម្តង។លោកបន្ថែមថា ខូចខាតឆេះអស់ផ្ទះទំហំ៤ម៉ែត្រគុណនិង ៦ម៉ែត្រ១ខ្នង ធ្វើអំពីឈើ …

អានបន្ត»

ប្រតិបត្តិករទេសចរណ៍ មកពីប្រទេសចំនួន១០ មកជួបគ្នាក្នុងជំនួបពាណិជ្ជកម្ម ទេសចរណ៍លើកទី២ ឆ្នាំ២០១៩ នៅខេត្តសៀមរាប

ខេត្តសៀមរាប ៖ ក្រុមអ្នករកស៊ីក្នុងវិស័យទេសចរណ៍មកពីប្រទេសចំនួន១០ បានមកជួបជុំគ្នានៅក្នុងខេត្តសៀមរាប ក្នុងគោលបំណងជជែកពិភាក្សា ដើម្បីផ្លាស់ប្តូរពាណិជ្ជកម្មរបស់ពួកគេទៅវិញទៅមក ។ ជំនួបនៃអ្នកជំនួញវិស័យទេចរណ៍នេះ បានធ្វើឡើងនៅថ្ងៃទី២៤ ខែមេសា ឆ្នាំ២០១៩ នៅសណ្ឋាគារ អេមព្រីសអង្គរ ។ លោកបណ្ឌិត ធួន ស៊ីណាន ប្រធានឈេបធ័រកម្ពុជា(Cambodia Chater) នៃសមាគមទេសចរណ៍អាស៊ីប៉ាស៊ីហ្វិក(PATA) បានមានប្រសាសន៍ថា៖ ជំនួបពាណិជ្ជកម្មទេសចរណ៍លើកទី២នេះ គឺដើម្បីធ្វើឱ្យប្រសើរឡើងនូវការទិញលក់ កញ្ចប់ទេសចរណ៍ឱ្យដល់ចំណុចកំពូល ជាពិសេសភ្ជាប់ទំនាក់ទំនងអ្នកទិញខាងវិស័យទេសចរណ៍អន្តរជាតិជាមួយអ្នកលក់វិស័យទេសក្នុងស្រុក។ លោកបន្តថា ជំនួបនៃក្រុមអ្នកជំនួញទេសចរណ៍ ទាំង១០ប្រទេសនេះ មាន៤០ក្រុមហ៊ុនជាអ្នកលក់ និង៤០ក្រុមហ៊ុនជាអ្នកទិញ ។ ពួកគេទាំងនោះមកពី សហរដ្ឋអាមេរិក ឥណ្ឌា ចិន រុស្ស៊ី ឥណ្ឌូណេស៊ី ហ្វីលីពីន មីយ៉ាន់ម៉ា ថៃ វៀតណាម និងកម្ពុជា។ លោកបានបន្ថែមទៀតថា៖ ជំនួបពាណិជ្ជកម្មទេសចរណ៍ ក៏មានគោលបំណងដើម្បីផ្លាស់ប្តូរ និងបង្កើនលំហូទេសចរណ៍នៅក្នុងរដូវភ្ញៀវតិច(Low Season)និង ទាក់ទាញទេសចរណ៍ឱ្យកាន់តែច្រើន»។ ក្នុងឱកាសនោះដែរ លោក …

អានបន្ត»

សម្តេច​ក្រឡាហោម ស ខេង អំពាវនាវ​ ដល់​ភាគី​ពាក់ព័ន្ធ​ទាំងអស់ ​ស្វែងរក​ចាប់​មេខ្លោង​ជួញដូរ​មនុស្ស

នំពេញ ៖ ​សម្តេច​ក្រឡាហោម ស ខេង ឧបនាយករដ្ឋមន្ត្រី​ និង​ជា​រដ្ឋមន្ត្រី​ក្រសួងមហាផ្ទៃ ​បានធ្វើការ​អំពាវនាវ​ដល់​ភាគី​ពាក់ព័ន្ធ​ទាំងអស់​ស្វែងរក​ចាប់ខ្លួន​មេខ្លោង​ជួញដូរ​មនុស្ស​ ឲ្យ​បាន​ ខណៈ​ជនរងគ្រោះ​ករណី​ជួញដូរ​មនុស្ស ​និង​អាជីវកម្ម​ផ្លូវភេទ​ នៅតែ​បន្ត​កើតមាន​​។ ការ​អំពាវនាវ​របស់​ប្រមុខ​ក្រសួងមហាផ្ទៃ​ គឺ​​ធ្វើឡើង​ក្នុង​ឱកាស​អញ្ជើញ​ជា​អធិបតី​ក្នុង​កិច្ចប្រជុំ​ផ្សព្វផ្សាយ​របាយការណ៍​ជាតិ​ ស្តីពី​ការងារ​ប្រយុទ្ធប្រឆាំង​អំពើ​ជួញដូរ​មនុស្ស​ឆ្នាំ​២០១៨​ និង​ទិសដៅ​២០១៩ នា​ព្រឹក​ថ្ងៃទី​២៣ ​ខែមេសា ឆ្នាំ​២០១៩ នៅ​ទីស្តីការ​ក្រសួងមហាផ្ទៃ​។ សម្តេច​ក្រឡាហោម ស ខេង ឧបនាយករដ្ឋមន្ត្រី​ បានលើកឡើង​ថា​ ករណី​ជួញដូរ​មនុស្ស​នេះ ​នៅតែ​បន្ត​កើតមាន​បើទោះបីជា​ឆ្នាំ​២០១៨ ​មានការ​ធ្លាក់ចុះ​យ៉ាងណាក្តី ​ប៉ុន្តែ​ ទោះជា​យ៉ាង ​ណា​ក៏ដោយ​ត្រូវតែ​ស្វែងរក​ចាប់ខ្លួន​មេខ្លោង​ទាំង​ក្នុង​ប្រទេស​ និង​ក្រៅប្រទេស​ឲ្យ​បាន​ទើប​បញ្ហា​នេះ​មិនមាន​បន្តទៀត​។ ជាមួយគ្នា​នោះដែរ ​សម្តេច​ក្រឡាហោម ​ក៏បាន​អំពាវនាវ​ដល់​ភាគី​ពាក់ព័ន្ធ​ទាំងអស់​បន្ត​សហការគ្នា​ទប់ស្កាត់​ឲ្យ​បាន​ចំពោះ​ករណី​ជួញដូរ​មនុស្ស ​និង​ការ​កេងប្រវ័ញ្ច ​ផ្លូវភេទ​គ្រប់​រូបភាព​ទាំងអស់​ដើម្បី​ឲ្យ​ស្រប​ទៅតាម​គោល​ការ​របស់​រាជរដ្ឋាភិបាល​ក្នុង​ឆន្ទៈ ​ទប់ស្កាត់​ និង​បង្ក្រាប ការ​ជួញដូរ​មនុស្ស​នេះ​។ បើតាម​ការ​ឲ្យ​ដឹង​ពី​លោកជំទាវ ជូ ប៊ុន​អេង រដ្ឋលេខាធិការ​ក្រសួងមហាផ្ទៃ​ បាន​បញ្ជាក់ថា នាយកដ្ឋាន​ប្រឆាំង​ការ​ជួញដូរ​មនុស្ស និង​ការពារ​អនីតិជន​ នៃ​អគ្គស្នងការដ្ឋាន​នគរ​បាល​ជាតិ​ក្រសួងមហាផ្ទៃ ​កងរាជអាវុធហត្ថ​លើ​ផ្ទៃ​ប្រទេស​ និង​ស្នងការដ្ឋាន​នគរបាល​រាជធានី​-​ខេត្ត …

អានបន្ត»

សម្តេចតេជោ ហ៊ុន សែន អញ្ជើញប្រគល់សញ្ញាបត្រដល់ និស្សិតនៃសាកលវិទ្យាល័យជាតិគ្រប់គ្រង

ភ្នំពេញ៖ នៅព្រឹកថ្ងៃអង្គារ ៤រោច ខែចេត្រ ឆ្នាំកុរ ឯកស័ក ព.ស២៥៦២ ត្រូវនឹងថ្ងៃទី២៣ ខែមេសា ឆ្នាំ២០១៩នេះ សម្ដេចអគ្គមហាសេនាបតីតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានអញ្ជើញជាអធិបតីដ៏ខ្ពង់ខ្ពស់ ក្នុងពិធីប្រគល់សញ្ញាបត្រដល់និស្សិតនៃសាកលវិទ្យាល័យជាតិគ្រប់គ្រង(NUM)ចំនួន ២,២៨៧នាក់ នារី ១,១៩៤នាក់ ដែលក្នុងនោះមាននិស្សិតថ្នាក់បរិញ្ញាបត្រ បរិញ្ញាបត្រជាន់ខ្ពស់ និងថ្នាក់បណ្ឌិតផងដែរ។ តាមរបាយការណ៍របស់ ឯកឧត្តម ហង់ ជូនណារ៉ុន រដ្ឋាមន្ត្រីក្រសួងអប់រំយុវជន និងកីឡា បានអោយដឹងថា សាកលវិទ្យាល័យជាតិគ្រប់គ្រង ជាសាកលវិទ្យាល័យរបស់រដ្ឋ ដែលបាននិងកំពុងដើរតួនាទីយ៉ាងសំខាន់ក្នុងការអប់រំ បណ្តុះបណ្តាលធនធានមនុស្សសម្រាប់កម្ពុជាយ៉ាងសកម្ម។ ចាប់តាំងពីថ្ងៃបង្កើតឡើងនៅឆ្នាំ១៩៨៣ មកដល់ឆ្នាំសិក្សា ២០១៧-២០១៨ និស្សិតដែលបានបញ្ចប់ការសិក្សាពី សាកលវិទ្យាល័យជាតិគ្រប់គ្រង មានចំនួនសរុប ៤៩,៩១៥នាក់ នារី ២១,៧២០នាក់។ ក្នុងនោះនិស្សិតអាហារូបករណ៍ចំនួន ៦,៤៤៧នាក់ នារី ២,៤០៣នាក់ និងនិស្សិតសិក្សាបង់ថ្លៃចំនួន ៤៣,៤៦៨នាក់ នារី ១៩,៣១៧នាក់។ បច្ចុប្បន្នអតីតនិស្សិតទាំងនោះបាននិងកំពុងបម្រើការងារនៅក្នុងស្ថាប័នរដ្ឋ …

អានបន្ត»

កម្ពុជា-ថៃ​ចុះហត្ថលេខា​ បើក​ឲ្យ​មាន​ការ​ដឹកជញ្ជូន​តា​ម​ផ្លូវដែក ​ឆ្លងកាត់​ព្រំដែន​ជា​ប្រវត្តិសាស្ត្រ

បន្ទាយមានជ័យ ៖ ព្រះរាជាណាចក្រ​កម្ពុជា និង ព្រះរាជាណាចក្រ​ថៃ បាន​ចុះហត្ថលេខា​រួមគ្នា​បើក​ឲ្យ​មាន​ការ​ដឹកជញ្ជូន​តា​ម​ផ្លូវដែក​ឆ្លងកាត់​ប្រទេស​ទាំងពីរ​ជា​ប្រវត្តិសាស្ត្រ​។ ពិធី​នេះ​ត្រូវបាន​ធ្វើឡើង​ក្រោម​អធិបតីភាព​របស់​សម្តេច​តេ​ជោ ហ៊ុន សែន នាយករដ្ឋមន្ត្រី​កម្ពុជា និង លោក ប្រា​យុទ្ធ ចាន់​អូ​ចា នាយករដ្ឋមន្ត្រី​ថៃ នា​ព្រឹក​ថ្ងៃទី ២២ ខែមេសា​នេះ​។ ពិធី​ចុះ​ហត្ថលេខា​ត្រូវ​បាន​ធ្វើឡើង​ដោយ​រដ្ឋមន្ត្រីក្រសួង​សាធារណការ និង ដឹកជញ្ជូន នៃ​ប្រទេស​ទាំងពីរ នៅ​ស្ថានីយ​រថភ្លើង​ខ្លង​លឹក ប្រទេស​ថៃ។ ជាមួយនឹង​ការចុះ​ហត្ថ លេខា​បើក​ឲ្យ​មាន​ការ​ដឹកជញ្ជូន​តា​ម​ផ្លូវដែក​ឆ្លងកាត់​ប្រទេស​ទាំងពីរ​ជា​ប្រវត្តិ​សាស្ត្រ។ ក៏​មាន​ពិធី​ប្រគល់​រថភ្លើង​ចំនួន​មួយគ្រឿង​ដោយមាន​ទូ​ចំនួន​៤ ដល់​រាជរដ្ឋាភិបាល​កម្ពុជា ពី​សំណាក់​នាយករដ្ឋមន្ត្រី​ថៃ​ផងដែរ​។ សម្តេច​តេ​ជោ ហ៊ុន សែន នាយករដ្ឋមន្ត្រី​នៃ​កម្ពុជា បាន​ថ្លែង​ថា ​រាជរដ្ឋាភិបាល​កម្ពុជា មាន​ចក្ខុវិស័យ និង​ផែនការ​ច្បាស់លាស់ នៅក្នុង​ការ​អភិវឌ្ឍ និង​ស្ដារ​ឡើង​វិញ​នូវ​ផ្លូវដែក​របស់​ខ្លួន​។ សម្តេច​តេ​ជោ ហ៊ុន សែន បាន​ថ្លែងអំណរគុណ​ដល់​លោកនាយក​រដ្ឋមន្ត្រី​ថៃ​ព្រមទាំង​ថ្លែងអំណរគុណ​ដល់ រដ្ឋមន្ដ្រី​ដឹកជញ្ជូន​ថៃ និង​សហការី ដែល​បាន​ជួយ​ជំរុញ​កិច្ចព្រមព្រៀង រហូត​មានការ​ចុះហត្ថលេខា​នៅ​ថ្ងៃ​នេះ​។ សម្ដេច​សង្ឃឹមថា កិច្ច​សហប្រតិបត្តិការ​រវាង​ប្រទេស​ទាំងពីរ លើ​វិស័យ​ដឹកជញ្ជូន …

អានបន្ត»